2015年7月7日 星期二

石詠莉請鄧健泓做MV老臨 10蚊搞掂 石詠莉,鄧健泓,



石詠莉 (Sukie)日前推出首張個人Hi-Fi碟《聽聽 Sukie's》,與男友鄧健泓(Patrick) 和兩位音樂人朋友共同投資的Pat's trick & co製作室合作出碟。一直希望擁有一張由自己由頭帶到尾的大碟,今次她親力親為參與創作,男友Patrick更客串做mv男主角。兩人有攬有抱,十分煙韌。

提起Patrick做mv男主角,Sukie笑說:「mv中有個比較親暱嘅動作,我特別請咗一個我好信用嘅臨時演員,用咗十蚊,真係好抵,都要象徵式收錢,因為呢個係『老毛』。」Patrick對於自己沒有正面上鏡則說:「mv主角係Sukie,同埋我哋要個背脊,冇理由特登請個臨時演員,自己做埋慳番兩舊。」

Sukie除參與創作外,又大打人情牌請來同門大師兄張智霖、蔣志光、孫耀威、張崇基和阮小儀五位圈中友好寫序;至於碟內收錄的十首歌則重新編曲,包括翻唱伊健的《一生愛你一個》、許志安的《爛泥》和夏韶聲的《結他低泣時》等。

Suki表示今次出唱片嘅心情相當興奮,「呢個大碟BB籌備咗一年終於都出世,希望大家鍾意我哋呢份心血。」,據悉Sukie大碟推出三天已有部分地區賣斷市,以Hi-Fi碟而言銷情甚佳。

鍾意就快D Share啦!
Related Posts Plugin for WordPress, Blogger...