掃呢頁CODE去手機

2015年9月11日 星期五

獨家捕獲 洗米華正印vs麥明詩 洗米華,周焯華,麥明詩,





其他影片:>>






尋晚,仁愛堂喺洲際酒店舉行慈善演唱會,身為仁愛堂副主席嘅華嫂Heidi,當然都有出席,唔知佢有冇受老公近日嘅新聞影響呢?咩新聞?咪就係洗米華又被爆同Mandy Lieu去西班牙囉!

行秘道入場嘅華嫂,著住條粉紅晚裝,醒神之餘,繼續大騷火速修身嘅驕人成績。《壹》仔發現佢喺場內同朋友係咁傾偈,神情輕鬆,似乎完全無因為老公而影響心情喎!

講番呢個仁愛堂晚會,除咗華嫂著得靚,「o靚妹」李綺雯都好難得咁,著得高貴大方架!但係講到全場焦點,一定係麥明詩!

由參選到奪冠,一直都新聞多多嘅麥明詩,提到有報導指,緋聞男友林作有意參選區議員,佢就話知道對方對社區工作有興趣,目前考慮緊選唔選,但就話自己嚟緊會好忙,所以唔會幫手助選。

話時話,一向都當《壹》仔世仇嘅樂大媽,眼神真係唔多友善,你估大台真係大晒咩!
鍾意就快D Share啦!