蕊蕊Avis破冰金剛喪嘔
《東網》前晚假觀塘apm舉行「直播港超聯誓師大會」，將會在明日（12日）起直播今季港超聯賽事，邀得蕊蕊和舊愛陳偉成（Avis）同場出席，前年蕊蕊大爆Avis花心，當時二人因愛反目勢成水火，但事過境遷，「蕊成」前晚碰頭竟然變friend，有講有笑，冰釋前嫌。而蕊蕊更大爆男友金剛病到七彩喪嘔！
《東網》明日將會直播今季港超聯賽事，前晚在觀塘apm舉行「直播港超聯誓師大會」，誓師派對星光熠熠，除有前球星山度士、「金句王」黃興桂及各支港超球隊的主力球員如陳肇麒、李志豪、林嘉緯外，連藝人蕊蕊、「牛雜妹」李美琪（Monnie）及陳偉成（Avis）亦特意抽空出席撐場，與大家講波經，更在場內叫大家「撐港超聯，睇東網直播」！
台下密密講波經
前年爆出蕊蕊與Avis曾暗撻半年，女方當時在微博指「信錯人」斬情絲，Avis立即反擊怒斥蕊蕊抽水博宣傳，當時剛與蕊蕊拍拖的金剛護花心切，寸爆Avis是奀星冇風度，「蕊成」立即反目收場，連朋友都冇得做。事隔兩年，如今二人各自有另一半，顯然已經消氣，為講波經「破冰」同場！
二人不時更在台下有講有笑，大講波經，冰釋前嫌，並與Monnie齊齊派海報給予現場朋友，相處融洽！
金剛帶病陪慶生
事後蕊蕊與Avis坦言同場並不尷尬，異口同聲表示事件已經過去，要展望未來！談到大前日（8日）蕊蕊32歲生日，她表示要在工作中度過，及後才與生病中的金剛慶祝：「佢之前去咗台灣做嘢，7日返港落機又屙又嘔，醫生話佢腸胃炎，我仲要買粥畀佢食照顧佢。（冇慶祝？）佢叫朋友買蛋糕送嚟屋企，之後出門口拎！（禮物呢？）都係送小魚仙畀我喇！」
至於Avis則表示，於周二與女友錢柏渝（Kelly）到球場撐香港對卡塔爾的世界盃外圍賽，女友大讚有氣氛！Avis透露髮型屋生意擴大，未來將會開設分店：「到時搞掂好晒生意嘅嘢，就會返去幕前工作，好似拍電影、廣告咁。」
文：專案組
攝：吳文聰
|
鍾意就快D Share啦！
|
|
|
