電影《鴨王》年初上映時票房逾600萬，據聞老闆王晶會食住個勢，嚟緊9月尾再拍《鴨王2》，而男主角、糖妹舊愛何浩文（Dominic）繼續有得留低，因為上輯表現好，所以第二集嘅片酬更由原來30萬升呢至100萬，嘩！咁真係一「舉」成名喎！嗱！男主角定咗，女主角就未公佈，其他角色近日亦開始搵人試鏡，《壹》仔今日就收到一個招募《鴨王2》特約演員嘅試鏡whatsapp，需要嘅角色大致如下：古惑仔、健身肌肉男、比堅尼美女、大隻普通樣女仔、似富商老伯等……又一個造就就業機會嘅地方喇！失業嘅朋友不妨try try？
- 何浩文嘅呢一幕人體盛，吸引唔少富婆垂青。
