掃呢頁CODE去手機

2016年1月12日 星期二

肥媽陸浩明煮出火花 __,肥媽,陸浩明,

講到平民化,肥媽同契仔6號(左圖)輕易勝出!next1/1pre李錦聯(右)同大王講嘢抵死又有火花,不過就有網民嫌佢哋仲搶眼過啲餸菜。next1/1pre肥媽同6號勁夾,十足真母子一樣咁合拍。next1/1pre肥媽同6號表現自然唔造作。next1/1pre雷頌德老婆Jade教煮餸視覺效果就吸引啲,成個闊太咁優雅。next1/1pre側田、Jade集集都邀請重量級嘉賓,星光熠熠。next1/1pr ...


講到平民化,肥媽同契仔6號(左圖)輕易勝出!

next 1/1 pre

李錦聯(右)同大王講嘢抵死又有火花,不過就有網民嫌佢哋仲搶眼過啲餸菜。

next 1/1 pre

肥媽同6號勁夾,十足真母子一樣咁合拍。

next 1/1 pre

肥媽同6號表現自然唔造作。

next 1/1 pre

雷頌德老婆Jade教煮餸視覺效果就吸引啲,成個闊太咁優雅。

next 1/1 pre

側田、Jade集集都邀請重量級嘉賓,星光熠熠。

next 1/1 pre

「糖呢就兩茶匙,再加啲橙皮添…」講起飲食節目,第一時間會諗到邊個?「火」氣十足嘅李錦聯、安德尊?定集集都星光熠熠嘅《閨蜜教煮》主持Jade(梁家玉)、側田?但講到近期最紅嘅,當然就係肥媽(Maria Cordero)同佢契仔「6號」陸浩明,兩人繼主持《食平D》、《食平DD》同《食平3D》後,再合作拍《食暖DD‧食平D》,呢幾輯「DD系列」除咗獲大批家庭「煮」婦追捧外,仲深受年輕網民歡心,有人更特意分析埋三大飲食節目主持組合,最後由呢對母子組合完勝,肥媽更被封為女人中嘅典範!

李錦聯、安德尊

李錦聯師傅(阿Ben)與拍擋安德尊(大王)合拍《今晚食乜餸》環節期間火氣十足,仲字字珠璣句句有骨落地,娛樂性豐富到令網民一睇再睇!節目更被網民們整合成大特輯於網上瘋傳,為世人帶來無限歡樂。雖然兩人擦出嘅火花多多,但就有觀眾略嫌阿Ben同大王嘅火藥味太濃,搶晒風頭:「大王、李錦聯睇一兩集都好睇既(嘅),娛樂性十足,至弊風頭搶過晒啲菜色(式)呢~我記得無敵鴛鴦鏟都唔記得佢煮過啲咩。」

可觀度:****(5*為滿分)

梁家玉Jade、側田

資深音樂人雷頌德老婆Jade(梁家玉)早前同歌手側田合作拍攝飲食節目《閨蜜教煮》,請來汪明荃、李嘉欣、組合Big Four等紅星做嘉賓,一邊傾一邊煮西式大餐,Jade更一手一腳由前菜煮到去甜品,誠意十足之餘,仲依然keep到個華麗靚太LOOK,令網民們相當佩服!惟唔少觀眾就指Jade煮嘅菜式同方式都唔夠平民化,難以學習:「Jade同阿田煮得好優雅,但好唔現實,咩都用機整,係(喺)普通屋企一定整唔到!」

可觀度:***(5*為滿分)

肥媽、6號

已經合作拍過幾集飲食節目嘅肥媽同6號早已儲落唔少默契,由街市買材料講價到落油、調味,兩人夾到痺,閒談時亦表現自然,十足兩母子一樣,令唔少網民都留言話好有投入感:「肥媽6號由去街市買菜到食都影晒,啲餸又夠平民化,就算隔住個mon都投入到,好似一齊開飯咁!」菜式方面亦夠晒平民化,煮法更係方便又簡單!

可觀度:*****(5*為滿分)

網民有話兒:

大便君xxxx:天啊!!肥媽先係世界上最正既(嘅)女人!

xxxbinkun:Jade同阿田煮得好優雅,但好唔現實,咩都用機整,係(喺)普通屋企一定整唔到!

POPO099:大王、李錦聯睇一兩集都好睇既(嘅),娛樂性十足,至弊風頭搶過晒啲菜色(式)呢~我記得無敵鴛鴦鏟都唔記得佢煮過啲咩。

HxYuklun:要講贏係(喺)邊真係好難,就係覺得肥媽同6號唔造作,煮煮下(吓)又有啲爆野(嘢)聽,幾過癮!

KxxxYxx:肥媽6號由去街市買菜到食都影晒,啲餸又夠平民化,就算隔住個mon都投入到,好似一齊開飯咁!

最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!

最強娛樂APP「東網巨星」下載連結:

http://on.cc/redirect/entertainment


來源 source: http://hk.on.cc
鍾意就快D Share啦!