掃呢頁CODE去手機

2016年3月4日 星期五

猷君病到冧廠着緊護女友 __,猷君,

猷君病到冧廠着緊護女友賭王何鴻燊四房公子何猷君日前與友人到美國佛羅里達州棕櫚灘遊玩,卻患上鼻竇炎兼呼吸道感染,昨日他更自爆病情嚴重至發燒及扁桃腺發炎,又因醫生開錯藥搞到肚瀉,但他仍貫徹樂觀性格,在病床上扮鬥雞眼,更留言「反擊」踢爆Kimmy與勝利食飯的網友,二人打風都打唔甩!猷君在美國病到七彩,陰功豬!何家四房公子何猷君自去年底公開認戀新加坡富豪二代千金Kimmy後,二人愛得高調,不時在網上喪甫合 ...


賭王何鴻燊四房公子何猷君日前與友人到美國佛羅里達州棕櫚灘遊玩,卻患上鼻竇炎兼呼吸道感染,昨日他更自爆病情嚴重至發燒及扁桃腺發炎,又因醫生開錯藥搞到肚瀉,但他仍貫徹樂觀性格,在病床上扮鬥雞眼,更留言「反擊」踢爆Kimmy與勝利食飯的網友,二人打風都打唔甩!

猷君在美國病到七彩,陰功豬!

何家四房公子何猷君自去年底公開認戀新加坡富豪二代千金Kimmy後,二人愛得高調,不時在網上喪甫合照晒恩愛!上月中兩人合體觀看西甲大戰,之後轉戰法國繼續浪漫Sweet爆的「預支蜜月」,在巴黎鐵塔下反轉再反轉啜啜,又孖住睇歐聯十六強重頭賽,惟愛得全情投入的猷君實行「見少一陣都唔得」,掛念女友掛出「相思病」,更愈病愈嚴重!

搞笑寫「遺言」

猷君日前與友人到美國佛羅里達州棕櫚灘度假,卻患上鼻竇炎及呼吸道感染疾病,當日他已於Instagram上載躺在醫院病床上的相片,相中的他冇厘神氣,他更爆粗留言呻冇機會在沙灘及棕櫚灘的樹下影相,得不到女友愛心照料的猷君曳爆未有戒口,放肆食炸雞,兩日過去,猷君的病情不但未有好轉,更比之前嚴重!昨日他再上載在醫院臥床扮鬼臉的照片,留言指醫生開錯藥,更搞笑寫下「遺言」叫人幫他照顧細妹超欣,又Tag家姐超盈:「Back to Boston, back to another hospital, on top of double infections, high fever, tonsils swollen so much can't really eat. Florida doctor gave me wrong antibiotics so I now have diarrhoea too yay. If I die, take care of Alice for me.(返咗波士頓,去咗另一間醫院,除咗之前嘅雙重感染,依家仲有發燒、扁桃腺發炎,腫到食唔到嘢。佛羅里達州嘅醫院開錯咗抗生素畀我,搞到我屙到成隻狗咁。如果我死咗,幫我照顧超欣。)」

正當猷君「病重」之時,有網民竟留言踢爆其女友Kimmy正跟Big Bang成員勝利開心撐枱腳:「你女朋友昨日(前日)跟勝利去吃飯了!」猷君見狀即回覆網友留言維護Kimmy:「一群朋友去吃飯很正常」十分體貼,並對女友百分百信任!其實猷君早在幾日前已經貼出「尋人啟事」,詐型着Kimmy別要忙住做巨星而忘記陪伴他,霸氣叫女友「come back to find me(回來找我)。」

樂觀扮鬥雞眼

猷君之後又再甫相洗版,貼出照超聲波的照片,更搞怪扮鬥雞眼,開玩笑表示身旁護士正準備為他「施針」:「Yay they found pus in my tonsils, now they going to stick a needle to pop it. I'm probably the only person that's still able to laugh in this situation.(佢哋喺我嘅扁桃腺發現有膿,依家準備塞支針入去拮爆佢。我諗我係唯一一個面對咁嘅情況仲識笑嘅人。)」認真病得樂觀,精神可嘉!

文:專案組

猷君在美國病到七彩,陰功豬!


來源 source: http://the-sun.on.cc
鍾意就快D Share啦!