| 亞視之所以成為經典，其實真係唔係一朝一夕。 | next 1/1 pre |
 | |
| 經典騎呢位一：盛品儒誤噏「眾所鳩知」 | next 1/1 pre |
 | |
| 經典騎呢位二：王征騎呢舞 | next 1/1 pre |
 | |
| 經典騎呢位三：王維基成最短命亞視高層 | next 1/1 pre |
 | |
| 經典騎呢位四：誤報江澤民死訊 | next 1/1 pre |
 | |
| 經典騎呢位四：誤報江澤民死訊 | next 1/1 pre |
 | |
| 經典騎呢位五：死字Logo遭強烈恥笑。 | next 1/1 pre |
 | |
| 經典騎呢位六：亞視收「旗」 | next 1/1 pre |
 | |
| 經典騎呢位六：亞視收「旗」 | next 1/1 pre |
 | |
| 經典騎呢位七：無啦啦訓練班，不滿即炒 | next 1/1 pre |
 | |
| 經典騎呢位八：對住空櫈掟壽包 | next 1/1 pre |
亞洲電視由1957年成立啟播以嚟，經過多番改朝換代，雖然收視愈跌愈低，但唔代表亞視唔「紅」。成日做到TALKING POINT嘅亞視，歷年發生過唔少經典笑料，而且單單都夠晒經典，相信呢啲笑料，絕對成就到真正嘅亞視永恒。
「眾所鳩知」熱爆網
盛品儒2012年擔任亞視執行董事期間，曾批評當年還是城市電訊主席的王維基離任亞視行政總裁時，曾拿走亞視機密資料，但由於講嘢唔正，佢竟然將「眾所周知」講咗做「眾所鳩知」。雖然佢自己懵然不知，但火速成為笑料，而呢句經典說話，亦成為網民抽水精選。不過講到偷機密資料咁大單，王維基當然追究盛品儒誹謗啦，結果亞視同盛品儒要賠番130萬畀王維基，都真係令人幾無言。
王征騎呢舞
同亞視關係密切嘅亞洲會，2012年喺政府總部舉行「關注香港未來」集會，反對港府再發放新免費電視牌照，當年嘅準亞洲小姐、亞洲先生、藝員同職員基本上都有撐場。當時亞視嘅主要投資者王征，仲率領喺身上貼上「良心」貼紙嘅全體人員，高舉「否決」標語載歌載舞，由於動作「出位」，成為「騎呢舞」經典示範之一。
最短命亞視高層
王維基2008年尾擔任亞洲電視行政總裁，上任僅12日就發生被逼辭職事件，雖然當時亞視執行主席張永霖聲稱係因為王維基處事作風迴異，所以接受對方請辭，但王維基就話根本冇辭職意向，搞咗一大輪，王維基最終改任做顧問，成為最「短命」亞視高層。
誤報江澤民死訊
2011年，亞視喺7月6日嘅「六點新聞報道」度，報道中國共產黨中央委員會總書記江澤民死訊，仲將台徽改做灰色，雖然當時消息仲未得到北京政府證實，但亞視就將原定夜晚9點半播映嘅節目，改為播放相關特輯。結果新華社翌日發稿指死訊純屬謠言，當時嘅亞視高級副總裁梁家榮同副總裁譚衛兒同為事件引咎辭職。最後，亞視仲畀人罰咗30萬添。
死字Logo
2013年，亦即係亞視56周年，咁開心，亞視就諗到整個全新台慶logo搞搞新意思，點知就畀網友強烈恥笑個Logo感覺好似個「死」字咁，仲寸爆亞視冇錢搵設計師，雖然當時亞視執行董事盛品儒力撐設計充滿現代感同美感，不過已經挽救唔到成為又一笑柄呢個結果。
亞視收「旗」
舊年，仲要撞正係愚人節，向來以愚樂大眾為己任嘅亞視，喺嗰日又創經典。事緣行政會議當日下晝決定唔續牌畀亞視，而嗰日嘅傍晚，亞視保安竟然將亞視門口嘅香港區旗、國旗同亞視旗幟齊齊收起，見到啲旗幟喺暗色嘅天空度緩緩降下，呢個場面真係一見難忘㗎。
無啦啦訓練班
雖然成日都畀人笑，但自強不息嘅亞視，從來冇放棄過自己，2012年仲突然要求資歷淺嘅藝員上訓練班，導師就由一線藝人同「自己友」高層包辦，雖然課程密麻麻，但就被指質素欠奉（咁咪同亞視節目一樣？好似係），仲話如果有藝人不滿，就即被「炒魷」，結果戚黛黛、張啟樂、陳綺雯（Aki）、主持張紫櫻齊被怒炒，成為一時佳話。
對住空櫈掟壽包
亞視其實真係教識咗我哋好多嘢，就係有錢都未必使得鬼推磨。喺佢哋55周年嘅時候，雖然豪擲咗七位數搞台慶晚會，但可惜個個都話嗰幾個鐘嘅台慶節目，係一個訓練人類忍耐能力嘅平台，個節目悶到連現場觀眾都頂唔順，現場啲人走吓走吓、走吓走吓，結果出現咗好多令人望到都難過嘅空櫈。但難得嘅係，向來識得自欺欺人嘅亞視，竟然冇放棄，班司儀繼續向住堆空櫈拋壽包，又係一個永恒不滅嘅笑話經典。
|
鍾意就快D Share啦！
|
|
|
