孖友吐苦水
上月 14日，周國賢孖何嘉莉及一男子到西營盤晚飯，其間失婚的何嘉莉與正值感情缺失的周國賢最好傾。當提到妻女不願返港，周即感苦惱自隊。
娛樂喧
偷食事件老婆未嬲完 周國賢呻：佢唔肯跟我返嚟！
周國賢前年被爆搭上女助手後，韓籍老婆李美英一怒之下帶埋三位千金出走加拿大。為箍煲，周國賢放下一切追至加國，更因壓力太大患焦慮症。
兩年過去，周國賢近日返港重出江湖，可是身邊卻不見妻女同行，據知至今周國賢仍未獲老婆原諒。上月中，有人目睹他相約失婚的何嘉莉到西營盤蠔吧狂隊白酒，其間聽到周國賢大吐苦水，「老婆唔肯返（港），好煩。」。
曾經在樂壇十分活躍的周國賢，除了單飛走創作歌手路線外，亦與三位兒時好友組樂隊 Zarahn出碟，又兼任唱片監製；同時他更是在上環屹立多年的信裕海味舖太子爺，曾擁有多個豪宅單位， 2010年賣出貝沙灣及嘉亨灣等物業，共賺逾千萬，真正富二代，玩音樂純為興趣。
約友隊酒
02年周國賢與在日本留學認識的韓籍女友李美英結婚。 03年出道時他已公開人夫身份，並先後誕下 3位女兒，且多年來零緋聞，好男人形象深入民心。
可是兩年前，有傳周國賢搭上自己唱片公司 BMA的助手陳若南（南南），女方不避嫌在社交網站上載二人攬到實親密照而令「關係」曝光。有指周太一怒之下帶埋 3位千金移居加國與胞妹為鄰。周國賢為挽婚姻，亦即時放棄香港一切移居加國箍煲。但兩年過後，他卻隻身回港宣布復出歌壇，據知全因老婆對周國賢的出軌事件依然耿耿於懷。
上月中，有人目睹周國賢相約失婚不久的何嘉莉到西營盤蠔吧食晚飯。周國賢甫坐下即第一時間點了兩支白酒自斟自飲。此時坐在對面的何嘉莉問他：「點啫，依家你啲小朋友點呀？決定留喺嗰邊？」周國賢即皺一皺眉：「其實都想幾個小朋友返嚟讀書，但老婆又唔肯返（港）。佢覺得好煩，想留喺嗰邊。唉！好煩！」說到妻女，周國賢邊托頭邊唉聲嘆氣。
屈出病
其實自從爆出偷食事件，周國賢為𠱁回老婆，已即時與女助手南南劃清界線。據知最初兩公婆仍有心挽回婚姻，但其後又衍生其他問題。知情人透露：「 Endy（周國賢）最初喺加拿大嗰邊都修心養性，成日留喺屋企，照顧啲小朋友。不過日子耐咗，佢就覺得好悶，所以就約番啲 band友留喺錄音室寫歌，或者喺 bar隊啤攞靈感，就係咁又同老婆成日嘈交。始終佢老婆都有條刺喺心，兩公婆生活唔協調， Endy又覺得嗰邊生活好唔慣，可能覺得有壓力，所以就有焦慮症！」
據知未回港前，周國賢與太太感情一度再現僵局。周曾多次詢問太太會否帶同女兒同行，但其老婆每次都表現決絕。知情人續說：「其實韓國女人嫁咗之後通常都會嫁雞隨雞，黐到個老公實一實。 Endy見老婆冇乜商量餘地，咪惟有自己返港先，等大家冷靜下。」
上周二（ 23日）記者向周國賢求證周太不肯跟返港一事，他反應甚大：「佢（老婆）要留喺嗰邊照顧小朋友……不過小別勝新婚，咁樣咪掛住大家多好多。（見到你約何嘉莉食飯吐苦水？）冇吐苦水……傾吓我好掛住佢哋啫！」早知老婆好，周生就加多兩錢肉緊箍番個煲
寄情工作
向來在樂壇甚吃得開的周國賢，復出不久即工作不斷，似乎都好難抽時間返加國陪妻女。
|
鍾意就快D Share啦！
|
|
|
