2016年4月24日 星期日

【阿倫幫手挽鞋】關淑怡開騷跌倒瞓落地 執生踢鞋擺po __,關淑怡,譚詠麟,阿倫,

噚晚關淑怡(Shirley)紅館騷,佢喺第一次Encore時因高踭鞋太高不慎跌倒台上,不過即時執生仲擺po,贏得掌聲。噚晚Shirley著住一套金色BlingBling外套唱出澳洲女歌手SIA的《Chandelier》,不過唱咗第一句就話:「Iamnotready。」示意樂隊重奏,全場觀眾都拍手,之後再唱出《逝去的傳奇》,邊唱邊同觀眾握手,當時佢著住5吋高踭鞋,於台上跣親,成個打側跌喺台邊瞓咗喺地 ...


噚晚關淑怡(Shirley)紅館騷,佢喺第一次Encore時因高踭鞋太高不慎跌倒台上,不過即時執生仲擺po,贏得掌聲。噚晚Shirley著住一套金色Bling Bling外套唱出澳洲女歌手SIA的《Chandelier》,不過唱咗第一句就話:「I am not ready。」示意樂隊重奏,全場觀眾都拍手,之後再唱出《逝去的傳奇》,邊唱邊同觀眾握手,當時佢著住5吋高踭鞋,於台上跣親,成個打側跌喺台邊瞓咗喺地,仲「哎哋」咗一聲,不過佢即時執生踢走隻高踭鞋擺Pose,工作人員扶佢起身唱完首歌,佢就好Hyper咁話:「I Don’t Need Shoes。」之後仲著住對黑絲走來走去唱出《Dela》。之後校長譚詠麟出場,兩人合唱《夢伴》,Shirley好High咁唱到跪地,阿倫上台時拎住隻鞋,同Shirley講足2次:「著返對鞋先啦。」之後工作人員幫Shirley著返隻鞋,阿倫仲話:「我知道聽日C1頭條,就係話譚詠麟同你挽鞋。」Shirley就話「唔好意思丫。」校長繼續話:「見你冇咗對鞋唱到神不守舍,你唱到跪晒地做乜啫,係咪有寫歌詞喺地下。」Shirley就打咗校長個頭一下話:「冇呀。」校長話:「大家見佢嘅狀態咁樣唱歌,佢係唔應該開埠以嚟第一晚又係最後一晚嘅,靠你哋把口傳去全世界,要話比人知,今日冇嚟睇嘅係笨...。」之後窒咗窒話「唔講得」,搞到Shirley想喊。阿倫繼續:「聽聞你唱完之後想移民,都唔知點解你咁諗,係咪Dry呀,好心你呀,不過佢湊得個仔幾好,佢有冇嚟睇呀?。」Shirley就話冇。阿倫繼續講:「你識多個啦,唔同宗教都得嘅啫,唔使踩住波車嚟嘅啫(Shirley曾自爆囝囝生父為寧波車)。」Shirley話:「唔係呢...」阿倫話:「咁我信志偉,佢成日都話係佢o架啦。」Shirley話:「唔係呀,志偉介紹我識啫。」阿倫笑言:「睇佢DNA都唔係,我覺得應該似我啦呵。」全場即時大笑,之後阿倫獨唱《暴風女神 Lorelei》。阿倫唱完後,Shirley就換上紅色晚裝,唱出《愛恨纏綿》,第2次Encore時再著一對5吋豆零踭,唱出《難得有情人》,之後同觀眾講:「Thank you very much, Love you。」於晚上11點50完騷。

一跌,哎哋!
不過即時執生踢走對鞋擺po 之後赤腳邊唱邊握手 有校長同佢挽鞋
盧冠廷同老婆唐書琛

鍾意就快D Share啦!
Related Posts Plugin for WordPress, Blogger...