人母梁詠琪（GiGi）昨晚喺北京出席第六屆北京國際電影節，任頒獎嘉賓，但頒獎時行到台中間，突然「嘭」一聲跌低，尷尬與否尚是其次，最緊要係有冇受傷。
事發時，GiGi本是要走到舞台中間頒獎，佢本來已經步步為營0架喇，但佢誤會咗、以為舞台中間就真係代表舞台嘅正中間，腳下一滑就跣低——原來嗰個位，係一塊冰！
塊冰有幾跣，GiGi有幾痛，可想而知。當時司儀同工作人員驚魂未定，即馬上上前扶起她。《蘋果》昨晚聯絡GiGi，佢大呼好痛，一隻腳瘀晒，仲剷起塊皮，流咗好多血，佢話：「好痛好痛！不過最擔心係走光，希望唔會有走光相流出。真係冇諗過台上有塊冰。」咁點解無啦啦台中間有塊冰？主持人解釋話台上滑滑冰面係有待一陣表演用0架。
GiGi返回酒店休息，未幾有救護車到酒店，準備為之檢查傷勢。事後GiGi喺微博留言：「讓你們擔心了，是這樣的：因為我們是要走到舞台中間頒獎，而我又傻傻的以為舞台中間就真的是代表舞台的正中間，而完全不知道那裏原來是一大磈冰，多走了幾步滑倒了，嚇大家一跳。真不好意思，還好跌倒的人是我，不是別人，我身手敏捷只受了一點皮外傷，無大礙！（哈哈，其實是我想溜冰）」
來源 source: http://hk.apple.nextmedia.com
|
鍾意就快D Share啦！
|
|
|
