掃呢頁CODE去手機

2016年5月23日 星期一

8歲Celine細不可擋向G.E.M.挑機 __,Celine,鄧紫棋,G.E.M.,G.E.M,

8歲的Celine獲蕭定一力捧,昨日在爸爸陪同下出席簽約儀式,正式出道做歌手!
8歲Celine細不可擋向G.E.M.挑機年僅8歲、歌藝贏得不少掌聲的「香港小巨肺」譚芷昀(Celine),昨日以七位數字酬勞簽約加盟蕭定一旗下,阿一計劃將她捧做新天后,目標是超越「巨肺小天后」G.E.M.成為在紅館開個唱的最年輕女歌手!Celine笑言可為唱歌戒零食,對於加盟成為張智霖(Chilam)師妹,她賣口乖大讚Chilam靚仔,希望有機會合作!8歲的Celine獲蕭定一力捧,昨日在爸爸陪 ...


8歲Celine細不可擋向G.E.M.挑機

年僅8歲、歌藝贏得不少掌聲的「香港小巨肺」譚芷昀(Celine),昨日以七位數字酬勞簽約加盟蕭定一旗下,阿一計劃將她捧做新天后,目標是超越「巨肺小天后」G.E.M.成為在紅館開個唱的最年輕女歌手!Celine笑言可為唱歌戒零食,對於加盟成為張智霖(Chilam)師妹,她賣口乖大讚Chilam靚仔,希望有機會合作!

年僅8歲的「香港小巨肺」Celine曾多次到內地及其他地方參加歌唱比賽,憑無添加靚聲震撼全球網民,上載的演出片段獲得數以千萬計的點擊率。她經常到內地商演,每場騷動輒收5萬元酬勞,認真厲害!

Celine最近獲娛樂公司老闆蕭定一睇中以七位數羅致旗下,並已簽約6年。昨日,她偕同是聲樂博士的爸爸譚順生出席「Celine加盟GME China簽約儀式」,獲師兄王宗堯送上「私家咪」,預祝她在樂壇大放異彩,師姐鄭欣宜則與她合唱新歌《女神》,技驚四座!阿一透露早前在一個慈善活動上被Celine的歌聲吸引,經商議後決定邀請Celine兩父女簽約,以父女檔闖樂壇,並計劃將她捧為小天后!

蕭定一睇好:係潛力股!

問到簽約年期?蕭定一說:「我簽個個都唔要求好長約,合作開心就自然會留低。呢個細路女唱得好好,況且係土生土長嘅香港人,我為佢驕傲!嚟緊佢會唱兒歌同大人歌,今年會推出新歌,有機會亦會安排佢拍戲,大前提係學業行先。」他揚言視舞台經驗豐富的Celine是「潛力股」,會助她盡快踏上紅館開個唱,挑戰G.E.M當年以19歲之齡開紅館騷的紀錄,成為在紅館開騷的最年輕女歌手!在旁一同受訪的Celine躍躍欲試,更點頭表示有信心成為新一代「女神」,吸納不同階層的粉絲!

  • 放大圖片
G.E.M.當年以19歲之齡開紅館騷,破晒紀錄。
  • G.E.M.當年以19歲之齡開紅館騷,破晒紀錄。
欣宜傍實小師妹Celine合唱。
  • 欣宜傍實小師妹Celine合唱。

事後,Celine與父親接受本報電話訪問,她揚言可以為唱歌放棄美食:「如果要比賽,之前每日都要練習,我唔會食糖、雪糕、雪條、炸雞同埋飲凍嘢。(冇得食係咪覺得好慘?)如果好想食,唱得好就有得食少少嘅!」譚父表示從來不作體罰,會以獎勵方式鼓勵女兒練歌,Celine亦笑言平日洗白白都會不停唱歌。譚父認為訓練小朋友練聲特別困難,尤其要教導如何運用聲帶肌肉及表達感情更是難上加難,幸而Celine有天份。問到囡囡可曾因為練歌而喊?他說:「有喊過嘅,有時練四、五個鐘都未達到要求,會好攰。」Celine亦說:「我記得有喊。(諗過放棄?)冇!因為我鍾意唱歌,Never Give Up!(永不放棄)」

Mark實大師兄合作

提到已簽約成為歌手,Celine雀躍地表示「好開心、好期待」,又透露最想到美國及英國演唱,問到喜歡甚麼歌手?她即一輪嘴數盡Celine Dion、Adele、Taylor Swift、張學友、容祖兒、張智霖及G.E.M等偶像的名字!對於成為Chilam的師妹,她笑說:「好開心!我知佢係邊個,好想同佢合唱!(覺得Chilam哥哥點樣?)靚仔!好帥(突然轉講普通話)!」問到是否有意挑戰拍戲?人細鬼大的她認真地說:「要揀,我唔會拍恐怖嘅戲,要開心同健康嗰啲!」她又主動提起Chilam早前為卡通片配音,希望日後有機會與師兄合作為動畫配音!

文:影視組


鍾意就快D Share啦!