今日鄧麗欣(Stephy)同周秀娜及樂基兒(Gaile)喺沙田出席電影《女士復仇》開鏡活動。Stephy話佢喺戲內有個好專一嘅老公，但當中發現原來有小三、小四，有啲黑色幽默同輕鬆打鬥，佢話之前拍嘅都係愛情片，亦有同Gaile合作，今次再次合作，係佢哋3個女仔之間鬥爭。問係咪扯頭髮之類?Stephy笑言:「扯頭髮唔夠有型，有打，唔係呢啲，自己戲入面係殺手。」女仔係咪好多是非?佢話:「自己冇諗到呢樣嘢，好期待，一齊拍攝，自己比較男仔頭。」佢哋今日又同周秀娜慶祝返噚日生日，又食壽包又吹蠟燭。問到Stephy前男友方力申最近喺一個訪問中表示仍未放得低兩人嘅感情，Stephy話:「我噚日都有睇到，朋友講我知，剛喺峇里返嚟，都唔再想講我哋之間嘅事，希望呢段時間大家丟淡下，專注返我嘅工作。」講到小方對佢仍然有感覺，問到Stephy對佢係咪仲有感覺?Stephy話:「我其實自己睇到之後都噏噏地。」講講下隻眼又紅晒眼濕濕忍唔住喊，佢助手即搵紙巾俾佢抹眼淚。問到係咪盡量唔聯絡小方?Stephy表示:「其實唔係好適合再去講，又唔係好好可以去表達到。」心願係復合?Stephy話:「我冇諗。」講到小方就話冷靜期期間想到結婚呢樣嘢，Stephy話:「講得好啱，唔係結唔結，係溝通同timing嘅問題，分開之前同之後，我哋喺傳媒面前講先會講呢樣嘢，私底下好少會講到呢樣嘢，希望將來慢慢去處理。」好似小方講咁冇咗愛好難復合?Stephy重覆:「timing同溝通好重要，愛分好多層次，唔止愛情，仲有家人。」
|
鍾意就快D Share啦！
|
|
|
