Alex話好驚剪錯剪咗唔應該剪嘅嘢。
剛宣布老婆有喜的杜德偉（Alex）今日出席跳舞比賽活動，Alex聽到現場的音樂時，興奮得又轉身又踢腿，心情超好，受訪時亦難掩喜悅，他承認多位親密好友早已知道他將做爸爸：「當同傳媒分享時，又好似重新有多個BB。」並透露懷有五個月身孕的太太非常健康，口味及脾氣方面未有改變，Alex說：「聽人講大肚媽咪脾氣會變，會無理取鬧，不過暫時未有，自己做定心理準備。」
煩緊改咩名
問到為囝囝改名未，Alex代表未諗好：「擔心大個返學罰抄同畀同學笑。（改兩個字？）想三個字，我哋父母好開通，亦冇族譜。（改咗英文名？）未，呢個係我範疇，會諗傳統名又會諗自己作嘅名，但怕佢讀書時嗰名太怪畀同學笑，你話幾煩。」
Alex強調自己不會做怪獸家長，他說：「希望小朋友童年健康、愉快，唔好太大壓力。（搵定幼稚園？）一步一步嚟，依家畀我享受BB喺老婆個肚到先，以為自己人生經驗好豐富，原來有好多嘢要學，不過係樂趣，活在當下。」當問到會否入產房剪臍帶？Alex即口震震說：「我表面好英明，其實好驚，剪錯剪咗唔應該剪嘅嘢，不過會入產房。」問到會與影大肚相？Alex說：「會，影完會發畀大家。」
來源 source: http://hk.on.cc
|
鍾意就快D Share啦！
|
|
|
