2016年6月17日 星期五

【進擊的…】傳吳業坤越級殺入紅館8月開騷 __,吳業坤,

設計對白:「媽呀,我得咗喇!」(資料圖片)喺去年年底音樂頒獎典禮一喊「霧」起嘅歌手吳業坤,今年人氣勢不可擋!為咗食住個勢,坤坤所屬嘅星娛樂唱片公司,年頭曾放風話會幫坤坤、張紋嘉、羅孝勇同張惠雅喺九展搞個群星演唱會試水溫,公司當時仲話如果坤坤走勢持續強勁嘅話,唔排除會幫佢越級挑戰開個人騷添!轉眼間半年好快過去,坤坤Keep住個勢,開個人騷似乎唔係一個夢話!今日就有指坤坤將於8月登陸紅館,首次舉行個人 ...


設計對白:「媽呀,我得咗喇!」(資料圖片)

喺去年年底音樂頒獎典禮一喊「霧」起嘅歌手吳業坤,今年人氣勢不可擋!為咗食住個勢,坤坤所屬嘅星娛樂唱片公司,年頭曾放風話會幫坤坤、張紋嘉、羅孝勇同張惠雅喺九展搞個群星演唱會試水溫,公司當時仲話如果坤坤走勢持續強勁嘅話,唔排除會幫佢越級挑戰開個人騷添!

轉眼間半年好快過去,坤坤Keep住個勢,開個人騷似乎唔係一個夢話!今日就有指坤坤將於8月登陸紅館,首次舉行個人演唱會,據知到時仲會有歌手許廷鏗、胡鴻鈞、鄭俊弘等做嘉賓添。坤坤開騷消息一出,網民反應都好熱烈,仲幫佢諗好晒個歌List,話如果坤坤唔夠歌嘅話,唱完《陽光點的歌》後,就無限Loop《原來她不夠愛我》,包括首歌啲Friends,好似《原來他不夠愛我》、《原來牠不夠愛我》、《原來它不夠愛我》…

由一隻默默無名嘅「棋子」,到後嚟以新人姿勢,揮低一眾歌手前輩如張敬軒、楊千嬅、謝安琪等奪得「我最喜愛歌曲」獎,再到今時今日極速殺入紅館開騷,坤坤似乎將「不可能」變成「可能」。吳業坤,你係得嘅!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...