羅鈞滿日前醉駕被判罪成，不過要等27號先裁決。
藝人羅鈞滿日前醉駕被判罪成，其案件將於本月27日裁決。他於獲裁判前在鴨脷洲出席「625擁有愛擁抱愛」活動，期間他落力為長者獻唱。提到該案的裁判官曾指羅鈞滿超標三倍，根據案例「坐得監」，問到鈞滿面臨刑責的心情？他直言以平常心對待：「心情點都要面對，到時經理人會陪我去，平常心自己係成年人做錯事，最驚家人擔心。家人覺得今次係個好教訓，不幸中的大幸係冇整親人。」
自認酒量麻麻
問他以後會否減少飲酒？鈞滿直言要選擇性應酬：「我不嬲都少飲，係應酬先飲。（唔再去應酬？）選擇性出席，我唔係追酒飲嘅人，唔知點解人哋對我印象係咁。而且我踢波同打籃球，飲酒的話會令我表現唔好，所以我想保持狀態。」他自言酒量麻麻：「飲一杯啤酒就面紅！」
等判決再安排工作
提到無綫方面的反應，鈞滿稱公司要先等待判決再作工作安排：「公司要等咗判決先，我同公司保持聯絡。」他提到原定出演新劇《迷》的角色目前確定自己被換角，他直言要吸取教訓：「監製本身準備同我傾角色，依家角色要換角，對我係個好教訓。（因你醉駕而換角？）擔心我影響拍攝過程，我都明白。」問鈞滿會否擔心之後冇劇拍？他說：「冇得擔心，作為藝人要自己警剔錯誤。（手頭冇劇拍？）冇，但我本身做《勁歌金曲》主持就仲有開工，希望件事快啲過去！」
來源 source: http://hk.on.cc
|
鍾意就快D Share啦！
|
|
|
