2016年6月17日 星期五

歐國盃:歐國盃 全城怒插哈神 召喚愛妻號華Dee! __,

3個揀,你揀邊個?(GettyImages)英格蘭執番身彩,於歐國盃B組分組賽對威爾斯,先輸1球完場前反勝2:1,可謂打好出線基礎。呢個世界一向成王敗寇,連續2場擔任單箭頭嘅哈利卡尼,今仗繼續毫無亮點冇腳好波,全英球迷當中包括講波佬、前利物浦後衞加歷查,都希望嚟緊對斯洛伐克,領隊鶴臣可以繼續從善如流,搵今仗建功嘅占美華迪代替哈神打正選,以延續三獅爭標夢。三獅箭頭正選成全球球迷熱議,唔知你又點揀呢? ...


3個揀,你揀邊個?(Getty Images)

英格蘭執番身彩,於歐國盃B組分組賽對威爾斯,先輸1球完場前反勝2:1,可謂打好出線基礎。呢個世界一向成王敗寇,連續2場擔任單箭頭嘅哈利卡尼,今仗繼續毫無亮點冇腳好波,全英球迷當中包括講波佬、前利物浦後衞加歷查,都希望嚟緊對斯洛伐克,領隊鶴臣可以繼續從善如流,搵今仗建功嘅占美華迪代替哈神打正選,以延續三獅爭標夢。三獅箭頭正選成全球球迷熱議,唔知你又點揀呢?即上彩報Facebook專頁表態

彩報Facebook專頁:

http://bit.ly/1r2BOOF 

首仗對俄羅斯,哈利卡尼表現還算中規中矩,但去到鬥威爾斯,哈神於前線毫無建樹,加歷查更話佢尤如隱形:「歐國盃嘅哈利卡尼,完全打唔番喺熱刺時嘅水準,就好似唔係同一個人咁。呢場對威爾斯,佢好似完全被孤立一樣,相信連續2場嘅失準,對佢信心將造成打擊。未來一場對斯洛伐克,相信鶴臣好難再用佢,我建議搵占美華迪代替佢嘅正選位置,而史杜列治就頂替史達寧打右邊鋒,拉爾拉拿則移到左路。」唔少網民都對哈神同史達寧不滿,雖然史達寧係係「負皮王」,不過佢哋大多都插哈神冇貢獻,話華迪好過佢100倍。

今仗華迪同史獨,於半場就後備換入場代替哈神同史達寧,最後堅立竿見影,2人各入1球帶領球隊反勝,華迪話呢個感覺超爽:「可以為國家隊入波堅爽,但並非係我嘅個人功勞,而係全隊嘅功勞。鶴臣半場時完全冇被打亂陣腳,佢認為球隊只要打番賽前部署,就有機會反敗成勝。最後我同史杜列治完成呢個工作。」賽後華迪Update社交網,擺咗張今場慶祝入球相,寫住:「我將呢個入球獻給你,華迪太太。」

查實哈神於剛過去一季表現穩定,而且風術出眾,更被鶴臣封為全隊傳送功夫最好嘅1個;而華Dee除咗有觀眾緣外,更不斷用入球證明自己;今仗為球隊奠勝嘅史杜列治亦係有料之人,唔知你又覺得英格蘭鋒線應該出邊個呢?

譚詠麟 Vs 黃國英

今個夏日大爆足球金句!!仲有獎抽呀!

足球狂熱,席捲2016夏日。明星隊、財經名人隊喺「星級擂台」大鬥金句,每個賽日都咁好睇,今日明星隊派出譚校長、財經名人隊由黃國英壓陣,實有精彩嘢。睇完金句,記得玩埋抽獎,豐富獎品等住你,快啲去彩報網頁http://win.on.cc 參加喇!

獎品包括最新9.7吋平板電腦、Samsung Galaxy S7及Gear VR、雙人來回倫敦機票連住宿及波飛,好吸引呀!

推廣生意的競賽牌照號碼:047186


來源 source: http://hk.on.cc
鍾意就快D Share啦!
Related Posts Plugin for WordPress, Blogger...