2016年6月17日 星期五

Donald帶傷復工 自嘲變河童頭唔敢睇 __,

Donald今晚復工開咪!DJDonald周一晚與同事在九龍城晚飯時,遭的士狂迷扑頭受傷送院,經過兩日休息後,Donald於晚上九時四十分返回電台開咪,並棄用的士改坐七人保母車到電台,頭戴Cap帽、左手包住手托的Donald,落車後大方受訪,精神奕奕的他說:「已經好番好多,喺屋企都係做嘢,不如返嚟做嘢。(你變河童頭?)係啦,我唔敢睇,你唔好影,隻手仲要啲時間休息,咁簡單連擰樽蓋(動作)都唔得。覺得 ...


Donald今晚復工開咪!

DJ Donald周一晚與同事在九龍城晚飯時,遭的士狂迷扑頭受傷送院,經過兩日休息後,Donald於晚上九時四十分返回電台開咪,並棄用的士改坐七人保母車到電台,頭戴Cap帽、左手包住手托的Donald,落車後大方受訪,精神奕奕的他說:「已經好番好多,喺屋企都係做嘢,不如返嚟做嘢。(你變河童頭?)係啦,我唔敢睇,你唔好影,隻手仲要啲時間休息,咁簡單連擰樽蓋(動作)都唔得。覺得自己喺屋企唔知點,所以咪返嚟做嘢囉。」

自己沖涼照洗頭

問到沖涼是否要太太幫手?Donald說:「冇呀,自己搞掂啦。(冇洗頭?)有洗,照洗,洗完洗傷口。」問到現時出入是否很小心?Donald說:「我一向都好小心。(唔敢搭的士?)唔係唔係,我答你哋就話我咁大膽搭的士。」問到現時是否不能揸車?Donald說:「都揸到嘅,等隻手再鬆啲先,因為依家都仲係好緊,手指係靈活嘅,但用力就有啲難度。」

透露麻利亞就復工

對於的士狂迷已被拉,Donald說:「知道,要多謝警方咁快手幫到忙,覺得佢哋好厲害,唔瞓去處理呢件事。」問到有否與DJ麻利亞聯絡?Donald說:「佢有搵我,佢都應該平復(心情)好多。(佢仲請緊假唔敢返工?)佢就返架喇。(佢有冇讚你勇敢?)黐線,我畀屋企人鬧到飛起,後尾諗番都覺得好危險,當上一課囉。」隨即表示不好意思打搞傳媒朋友。當記者表示要等他收工時,Donald大叫說:「唔好啦、唔好啦,我唔係主角,我係池魚,你哋走啦,收工啦。」隨即步入電台。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...