已故天后梅艷芳離世多年，梅媽覃美金同阿梅哥哥梅啟明就一直咁為遺產嘅事而奔波，兩母子更一度因訴訟而搞到破產，梅媽破產後仲有3萬蚊生活費，但佢都話捱得好辛苦，但係同樣破咗產嘅梅啟明，生活上就似乎冇乜影響喇！前晚就有讀者爆相爆片，影到梅啟明去到一間海鮮燒烤餐廳，豪嘆鮑魚同白酒，對梅啟明嚟講：「Yo！破產之嘛，駛乜驚呀......」前晚8點幾，讀者陳先生喺銅鑼灣加寧街名店坊嘅「Coast Seafood & Grill」海鮮餐廳，見到成日呻窮嘅梅啟明，一個人喺間餐廳嘆海鮮。據陳先生所見，梅啟明一個人食嘢，但就好豪咁叫咗兩隻鮑魚、西班牙火腿，食海鮮當然要配白酒啦，陳生就話，梅啟明就至少點咗三杯白酒喇！陳先生向《蘋果》透露，佢見到梅啟明同餐廳啲侍應好似好熟咁，見佢同啲侍應生傾得好投契，估計梅啟明應係嗰間餐廳嘅熟客。問到梅啟明係咪食好嘆？陳生話：「係呀，佢好似成日嚟咁，見到佢叫咗兩隻鮑魚，一隻都要百幾蚊架！再叫咗碟百幾蚊嘅魷魚，仲有西班牙火腿，仲飲咗最少三杯白酒o添！埋單都要成六百幾蚊㗎！」據OpenRice嘅資料顯示，呢間海鮮餐廳嘅人均消費只係200至401蚊，咁梅啟明一個人食成600幾蚊，又真係食得幾豪喎！
| 梅啟明被影到喺海鮮餐廳豪食飽魚飲白酒。(讀者陳先生提供) |  破產後梅啟明被拍得在餐廳一個人大快朵頤。(讀者陳先生提供) |  梅啟明與侍應有傾有講，應該係熟客嚟。(讀者陳先生提供) |
 (讀者陳先生提供) |  (讀者陳先生提供) |  梅艷芳兄長梅啟明 |
來源 source: http://hk.apple.nextmedia.com
|
鍾意就快D Share啦！
|
|
|
