感情嘅世界真係好複雜，28歲港姐陳庭欣（Toby）之前就同夏文汐個有米大狀表弟唐偉倫（Warren）偷食斷正（新聞連結：http://bit.ly/29o0ihN ），搞到佢同地下情男友翟威廉分手，之但係上星期陳庭欣同翟威廉先同林師傑、歐陽巧瑩、蔡思貝、麥秋成等3 pair情侶去食飯，當大家以為佢哋已經靜靜雞咁走番埋一齊之際（新聞連結：http://bit.ly/29umgOt ），《蘋果》日前又發現陳庭欣鬼鬼祟祟咁移形換車，翻撻Warren，去康山一間超市好sweet咁買餸返歸，玩煮飯仔。上星期五（8號），約下午6時幾，《蘋果》發現佢一個人揸住架豐田車仔去到大坑，見佢好細心咁泊好車，以為佢去大坑覓食，咦……唔係喎，佢走咗去馬路嘅另一邊，原來已經有一架逾70萬嘅美國Tesla電動車等緊佢，庭欣上車後，架車就直使去康山嘅康怡廣場。嘩，原來司機就係Warren，佢哋兩個一齊落車，庭欣就顯得好避忌，四周圍咁望，跟手仲即刻帶番個口罩，掩人以目添！入咗商場，佢哋就即刻去商場入面間超級市場，由於當時係放工時間，超市內有好多人，庭欣就好小心咁不停周圍望，兩個就好似一對小夫妻咁，分工合作。一個買菜，一個買肉，Warren買豬肉嘅時候，仲好細心咁問店員姐姐啲豬肉使唔使汆水，姐姐話呢種豬冇脂肪，唔使汆水，好健康o架！聽到健康兩個字，Warren即話：「嘩！咁健康o架，OK喎！咁我買一pack試吓」真係好有住家男人feel呀！So sweet！咦，買豬骨，應該用嚟煲湯啦，估計佢哋應該係三餸一湯，白飯任裝嗰隻！行吓行吓，陳庭欣見到超市內有試食攤位，登時舔舔舌。掩人耳目？唔理得咁多啦。於是，咋咋臨除底口罩試食，開頭試食完都即刻帶番口罩鬼鬼祟祟，但試多幾檔後，連警覺性都冇埋，索性除埋口罩大塊朵頤。然後每個counter都吼到實，有湯試飲都唔放過，仲會拎埋俾Warren試飲添！小便宜啲嘢，你懂的！行咗近兩個鐘，佢哋都真係滿載而歸喇，買咗兩大籃餸，排隊俾錢後，佢哋就拎住餸行去停車場，Warren就好開心咁邊行邊講，o氹得庭欣鬼咁開心。上車後，Warren就揸返架車去大坑，但係佢哋就好小心咁，庭欣喺泊車前一個街口就落車，自己行返去攞車，然後就各自駕車直使香港仔方向返屋企煮飯仔。
| 攝影：徐錦池、畢紹基 |  |  陳庭欣戴晒口罩咁買餸 |
 因為佢係約咗夏文汐個有米大狀表弟唐偉倫 |  為咗試食陳庭欣唔怕畀人認出，除口罩試食 |  仲叫埋Warren一齊食 |
 |  |  買完就去攞車 |
 |  行去攞車仲有傾有講 |  |
|
鍾意就快D Share啦！
|
|
|
