熱爆娛樂: 【與胡漢清情絕】母女仍住沙宣道大宅江希文拖女淺水灣酒店放電 _

2016年7月3日星期日

【與胡漢清情絕】母女仍住沙宣道大宅江希文拖女淺水灣酒店放電 __,江希文,胡漢清,

江希文(Liz)同資深大律師胡漢清13年生咗囡囡Natalie，雖然二人嘅「江胡戀」已情斷，但兩母女至今仍住喺胡漢清嘅沙宣道大宅。專心湊女嘅Liz，噚日傍晚7點，就帶咗3歲囡囡Natalie到淺水灣酒店附近嘅遊樂場玩，俾本報讀者柏小姐透過「爆相爆片」分享。據柏小姐透露，江希文噚日同囡囡喺遊樂場玩嗰陣，身邊冇工人，江亦唔介意俾人認出，全程冇戴口罩同黑超。柏小姐喺電話中話：「其實遊樂場有好多外國嘅小朋友喺度玩，但江希文個小朋友都唔怕生保，走嚟走去，玩得好開心好活潑，江希文就一直拎住個電話，追住囡囡不停同佢影相，兩母女玩到天黑先至走！」

江希文成日俾人影到湊囡囡到處玩。(讀者柏小姐提供圖片 )	今日就帶囡囡到淺水灣嘅遊樂場放電！(讀者柏小姐提供圖片 )	睇住囡囡玩已經好開心喇！(讀者柏小姐提供圖片 )
雖然同胡漢清分開，但江希文兩母女至今都仲係住喺胡位於沙宣道大宅。