掃呢頁CODE去手機

2016年7月4日 星期一

何浩文狗招追女 DJ安采妮控訴:佢不斷灌我飲! __,采妮,何浩文,楊采妮,

何浩文睇相後先「記得」DJ安采妮,但否認唱K灌酒及玩大話骰喎&&咁WhatsApp點解釋?
何浩文狗招追女DJ安采妮控訴:佢不斷灌我飲!「鴨王」何浩文越級挑機「大律師」林作硬撬「十優港姐」麥明詩,還自認家底及財力絕不遜於情敵,但原來兩男最大共通點是「愛溝女」!何浩文被爆曾力追34C女DJ安采妮,「登門撚狗」與「借故灌酒」伎倆樣樣齊,女方直言被其過度熱情嚇親,但何浩文卻反面不認人,指有人借他博宣傳。何浩文睇相後先「記得」DJ安采妮,但否認唱K灌酒及玩大話骰喎……咁WhatsApp點解釋?「 ...


何浩文狗招追女 DJ安采妮控訴:佢不斷灌我飲!

「鴨王」何浩文越級挑機「大律師」林作硬撬「十優港姐」麥明詩,還自認家底及財力絕不遜於情敵,但原來兩男最大共通點是「愛溝女」!何浩文被爆曾力追34C女DJ安采妮,「登門撚狗」與「借故灌酒」伎倆樣樣齊,女方直言被其過度熱情嚇親,但何浩文卻反面不認人,指有人借他博宣傳。

「十優港姐」麥明詩因「大律師」男友林作疑劈腿而面臨分手,跟麥明詩合作無綫新劇《賭城群英會》的「鴨王」何浩文(Dominic)即搶閘護花,似有爭女之嫌!Dominic為博女神加分,除了自認是書香世代、有任職教育局課程發展處總課程發展主任(體育)的父親與任職中學教師的母親外,又指拍畢電影《鴨王》後登台、電影工作不斷,財源滾滾兼賺夠換靚車,更誇口收入不輸蝕給「市道唔好景」的林作。

鴨王與大狀看似「打成平手」,估不到連溝女一樣「各有千秋」!昨日網上流出Dominic跟擁有34C上圍的電台女DJ安采妮(前名馮殷,現英文名Charlie)的多張合照及多條WhatsApp,力證他的溝女手段了得。相中所見,Dominic分別抱着Charlie的大白熊MiMi與哥基合照,雖然未有太親暱的舉動,但從上款為「Dominic」的WhatsApp中,有人相約玩「大話骰」及戲言「灌醉」,又有「見倒(到)你凌空打橫瞓」及「下次過嚟探mimi順便」、「mimi太過可愛」、「留畀你食」等對話,言談曖昧似正追求對話人。記者曾以WhatsApp聯絡Dominic,發現兩個「Dominic」用同一張貓咪相作頭像。

DJ安采妮指兩度與何浩文獨處一室,諗番都驚驚又自認蠢豬。
  • DJ安采妮指兩度與何浩文獨處一室,諗番都驚驚又自認蠢豬。
DJ安采妮與何浩文曾公開合照兼黐到實,又話唔識嘅&&
  • DJ安采妮與何浩文曾公開合照兼黐到實,又話唔識嘅……
林作與朋友到台灣散心,唔通療情傷?
  • 林作與朋友到台灣散心,唔通療情傷?
DJ安采妮家養多隻狗狗,有大有細。
  • DJ安采妮家養多隻狗狗,有大有細。

礙於家傭 未再進一步

據爆料者稱,Dominic兩年前與當年只得20歲的Charlie因合作電影而認識,指男方其後暗溝Charlie,曾相約女方唱K玩大話骰,又狂灌酒量甚淺的Charlie,但在她仍三分醒時剛巧有其他友人到場,兩人才沒有下文。其後,Dominic以拍「港女生活」的YouTube片為名到訪Charlie香閨,有人曾揚言會帶同朋友,但要求她穿背心短褲上陣拍攝,可是當日只得Dominic一人出現!Charlie初時大為愕然,但仍有開門讓他入屋。拍完短片後,Dominic喪玩她的狗狗,可能因有家傭在場,他玩完一輪後便離開,自此跟Charlie斷絕來往。

記者隨即致電Charlie,追問Dominic有否曾追求她?她欲言又止:「都算係(追求)……但我冇同佢拍拖o架!佢好口甜舌滑!(有傳佢想喺卡拉OK灌醉你喎?)嗰次係電影煞科慶功,嗰晚我同佢到先,佢同我玩大話骰時不斷咁灌我飲酒,我話過我唔飲得,都飲到斜斜哋(醉)。(Dominic有冇同你身體接觸?)有摸我膊頭同手,佢嗰晚真係好熱情!(咀你?)如果唔係有人嚟到,我諗可能會囉!嗰晚我都好驚。」

至於有傳Dominic到訪香閨,Charlie亦承認當時Dominic邀拍片,問到孤男寡女共處一室可有出事?她說:「咁又冇!因為有姐姐(家傭)喺度,姐姐事後話畀父母知,結果鬧咗我一大餐!事後我都覺得自己好『豬』,點解畀男人入屋,之後就再冇聯絡。」問到如今若再見對方可會感尷尬?Charlie稱會盡量避開,又指因此事而被經理人陳達仁鬧蠢。

初話唔識 睇完相先認

「男主角」Dominic受訪時則似乎對Charlie這位「撚狗朋友」忘記得一乾二淨,問到是否認識「馮殷」?他說:「唔識。」不過看完記者的相後,他才承認曾跟Cecilia(Charlie的前英文名)合作:「同佢幾年前拍過電影,但冇對手戲。另外兩年前請過佢拍YouTube片,之後冇再聯絡。(有冇追求過佢?)絕對冇!」其後,他再次接受訪問時強調沒有跟Charlie私下聯絡,問到可有到訪其香閨及在卡拉OK灌她飲酒?Dominic說:「有去過咗佢屋企一次拍嘢,我有帶朋友一齊去。(有冇相證明?)我冇影!而嗰次去卡拉OK都係成班人,我冇灌佢飲酒,亦冇玩大話骰,我只識猜包剪揼!我覺得有人博宣傳囉!」

文:音樂組


鍾意就快D Share啦!