新人女歌手蘇慧恩(Ophelia)將會喺書展推出個人音樂相集書《My Reinvention》，有唔同造型配合入面5首歌嘅主題，Ophelia話：「如果只係齋睇相可能會好悶，因為巿場太多靚美太多靚相，所以想加啲新元素，希望大家一邊睇相，一邊欣賞我寫嘅音樂，應該別有一番風味，因為我影相集時都係諗住每一首歌嘅內容去影，所以希望大家用心去感受。」Ophelia大騷長腿又大露背之外，又同兔仔、貓、變色龍齊齊影相，佢話最難忘係錫變色龍：「我諗起《青蛙王子》嘅童話片段。唔知點解，拍嗰日我可以咁有勇氣錫落去，之後睇到變食龍食昆蟲，真係即刻就想嘔。」佢仲話書入面會講吓自己過往嘅戀愛經歷，兼寫號啲好有啟發性嘅人生哲理，希望影響到年輕人，畀大家正能量。其實呢位新人女歌手蘇慧恩，已經潛伏喺娛圈好耐，佢09年23歲嗰睇參加過《超級巨聲》、11年又參選港姐，不過都係喺20強止步，而佢港姐初選嗰陣，有「大肚馬蹄露」之稱，佢仲以63票畀網民評選為當屆「最重口味港姐」第一位。計番Ophelia喺09年23歲，咁今年咪30歲！睇嚟佢真係大器晚成喇！
來源 source: http://hk.apple.nextmedia.com
|
鍾意就快D Share啦！
|
|
|
