第一代𡃁模活希兒啲是非新聞真係多到呢！
1998年以15歲之齡拍廣告入行嘅中澳混血兒活希兒，相比起Angelababy、文詠珊及周秀娜等2000年後入行嘅老牌𡃁模，活希兒絕對稱得上𡃁模始祖，當年活希兒入行不久連拍5個廣告，憑甜美嘅混血兒外貌火速打出名堂，食住個勢活希兒喺1999年推出個人專輯，之後同唔少當時得令嘅巨星合作，好似謝霆鋒同陳曉東等，佢哋三個因為合作仲曾經傳出三角戀緋聞。而一向鍾意畀機會新人嘅成龍曾經向朋友推介活希兒，因此傳出成龍兒子房祖名力追活希兒嘅消息。
活希兒曾自爆有大佢兩年嘅圈中男星送畫力追，陳曉東比佢大7年唔啱條件，之後矛頭直指年齡附合嘅謝霆鋒，不過據知謝霆鋒嘅畫技就好「一般」，所以畫畫追女仔嘅條件都唔符合，最後有指啱啱拍完《新古惑仔之少年激鬥篇》「巢皮」一角嘅袁偉豪先至係「真命天子」。除咗緋聞之外，活希兒同當年差唔多時間出道，亦係差唔多時間出碟嘅張栢芝亦有不和傳聞。
活希兒嘅是非新聞真係非常之多，可能亦都因為咁嘅原因，隔咗幾年活希兒就決心退出娛樂圈，去咗澳洲讀法律相關課程，今年33歲嘅活希兒依家仲做埋律師，由𡃁模到做律師，活希兒嘅人生經歷都夠晒豐富。
來源 source: http://hk.on.cc
|
鍾意就快D Share啦！
|
|
|
