掃呢頁CODE去手機

2016年9月1日 星期四

李克勤加盟英皇轉會費夠養兩代 __,克勤,英皇,李克勤,

克勤的轉會費夠養兩代,足以令家人衣食無憂,真係飲得杯落!
李克勤加盟英皇轉會費夠養兩代歌手李克勤昨日正式宣布加盟英皇娛樂,他以足夠「養兩代」的轉會費加入英皇大家庭,並以「足球論」比喻過檔英皇的原因:「踢咗英超好耐,要去西甲試一試。」他透露當初第一個就是問「校長」譚詠麟的意見,認為藝人是海鮮價,價好就要走。克勤的轉會費夠養兩代,足以令家人衣食無憂,真係飲得杯落!為隆重歡迎「零瑕疵」歌王李克勤加盟,英皇昨日在酒店筵開10席,英皇老闆楊受成帶領英皇各高層、唱片 ...


李克勤加盟英皇轉會費夠養兩代

歌手李克勤昨日正式宣布加盟英皇娛樂,他以足夠「養兩代」的轉會費加入英皇大家庭,並以「足球論」比喻過檔英皇的原因:「踢咗英超好耐,要去西甲試一試。」他透露當初第一個就是問「校長」譚詠麟的意見,認為藝人是海鮮價,價好就要走。

為隆重歡迎「零瑕疵」歌王李克勤加盟,英皇昨日在酒店筵開10席,英皇老闆楊受成帶領英皇各高層、唱片部及經理部人員總動員出席,更安排15人的弦樂團為現場播放的克勤經典演出片段進行伴奏,活動由鄭丹瑞擔任司儀,又邀請四大傳媒代表出席,排場十足!主角克勤席上大騷唱功,演唱頭炮新歌《一個都不能少》,大會播出多位圈中好友的祝賀片段,而英皇藝人管理部總監霍汶希(Mani)為克勤送上繡有「7 HACKEN」字樣的球衣,吳雨則送巨型「紅雞蛋」,巨蛋中藏滿金蛋,寓意克勤有「生金」能力,他笑說:「你便秘咗好耐,屙多啲呢啲(金蛋)出嚟!」克勤表示:「盡力而為,盡做」

不捨環球舊戰友

克勤完成發布會後受訪,提到離開合作多年的環球加盟英皇,他說:「我唔係一個鍾意轉來轉去嘅藝人,喺藝能(經理人公司藝能娛樂公司)30年,(唱片公司)環球都超過20年,要做一個咁嘅決定係非常非常難,要考慮嘅因素都好多,所以第一個問就係問校長阿倫,佢同老竇冇分別。記得嗰日我同佢踢波,踢波之前就話我有咁嘅打算,問佢有咩睇法,佢都打咗個突,佢諗咗30秒後同我講『藝人係海鮮價,如果今日有另一個球隊請你轉會畀呢個價,你走』呢個答案都令我好愕然。」

英皇在酒店筵開10席,歡迎克勤強勢加盟。
  • 英皇在酒店筵開10席,歡迎克勤強勢加盟。
克勤同校長情同父子,轉會前先問了他意見。
  • 克勤同校長情同父子,轉會前先問了他意見。

克勤坦言當日回家後不斷細想,明白到阿倫是以朋友、爸爸及家人角度看待這件事,不過阿倫是藝能的老闆之一,以老闆立場,當然對他的離開百般不願意。克勤曾經問阿倫會否拍片鼓勵他並在記者會上播放,阿倫說:「私底下恭喜你始終老闆身份尷尬。」所以克勤亦沒有邀請環球歌手拍片,以免令他們尷尬。而他最不捨的是一班舊戰友,尤其阿倫更是他最難過的一關,他唯一開心的是與環球和藝能都是在愉快關係下離開。

重返無綫密密做

問到現任老闆楊受成是否開出好條件邀請過檔?克勤說:「以足球員嚟比喻,踢開英超都想踢吓西甲,當然錢我唔否認係一個原因。男人始終都係家庭支柱,可以畀個仔去外國讀書,未來嘅生活都可以有好環境。(轉會費好可觀?)合理、開心(合約年期?)三加二,為咗我Family都要離開發展吓,當然唔只純粹係錢嘅原因,我係成熟型男人,想有多啲挑戰,想同新合作夥伴擦出火花。」

至於他向來被喻為「無綫契仔」,問到轉會後能重返無綫,是否考慮因素之一?克勤說:「我同TVB每個朝代都有一種緣分,加盟英皇後會同無綫有好多合作,第一個會做香港小姐嘅表演嘉賓,另外亦度緊一啲唔同類型嘅節目,好似會有個《超級勁歌金曲》節目,希望做到一個真正代表香港樂壇嘅音樂節目。」

文:音樂組

攝:張福宏


鍾意就快D Share啦!