2016年10月24日 星期一

【獨家】47歲清秀look鍾淑慧與吳岱融拍拖睇大馬3千呎豪宅 __,吳岱融,

57歲吳岱融喺大台劇《巨輪II》扮演獸父高天鷲,因超高班演技被網民激讚「一人救全劇」,令年過半百嘅吳岱融人氣翻生,連退隱多年嘅老婆鍾淑慧,都勾起大家好多集體回憶。噚日有人見到吳岱融同老婆現身馬來西亞睇樓盤,型爆嘅吳岱融戴有框眼鏡着裇衫用斜孭袋,鍾淑慧則戴漸變太陽眼鏡着V領闊身衫,現年47歲嘅人妻鍾淑慧,身形雖然冇後生咁弗,但樣子依然清秀,只不過衣着比較有點師奶味,兩人打扮低調拍拖睇樓盤。吳岱融同鍾 ...




其他影片:>>






57歲吳岱融喺大台劇《巨輪II》扮演獸父高天鷲,因超高班演技被網民激讚「一人救全劇」,令年過半百嘅吳岱融人氣翻生,連退隱多年嘅老婆鍾淑慧,都勾起大家好多集體回憶。噚日有人見到吳岱融同老婆現身馬來西亞睇樓盤,型爆嘅吳岱融戴有框眼鏡着裇衫用斜孭袋,鍾淑慧則戴漸變太陽眼鏡着V領闊身衫,現年47歲嘅人妻鍾淑慧,身形雖然冇後生咁弗,但樣子依然清秀,只不過衣着比較有點師奶味,兩人打扮低調拍拖睇樓盤。吳岱融同鍾淑慧攞住售樓書,由專人接待睇示範單位,兩人都要除鞋入內參觀,裏面分別有大廈同屋苑格式,佢哋睇得好細心好留神,之後仲去埋地盤,戴頭盔視察現場環境㖭,睇嚟真係想買樓做業主噃!據知,佢哋睇中一個近3,000呎單位,樓價大約700萬港元,因為吳岱融係新加坡人,曾經被封新加坡第一帥哥,而馬來西亞好近新加坡,兩人嘅獨子o依家喺新加坡服兵役,難怪想喺馬來西亞買安樂窩《蘋果》致電向鍾淑慧求證係咪喺馬來西亞買樓?佢表示:「冇呀,因為我哋有啲朋友買咗,知我哋過咗嚟,特登帶我哋去睇吓,我哋都想去八吓啫,冇嘢嘅,冇嘢嘅。咁當然都係有興趣嘅,係囉,咪睇吓囉!」問到老公越變越型,驚唔驚有女埋身?佢好有信心話:「呢啲冇得驚噃,做好自己囉,希望佢唔好走囉。」

47歲嘅人妻鍾淑慧噚日陪老公吳岱融去大馬睇樓。 鍾淑慧樣子依然清秀,只係帶啲師奶味。
佢哋睇中一個近3,000呎單位,樓價大約700萬港元。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...