掃呢頁CODE去手機

2016年10月24日 星期一

不甘被嘲老餅 黃宗澤嫌劉佩玥肥 拍親熱戲壓親 __,劉佩玥,黃宗澤,

黃宗澤chok晒甫士,不忘扭劉佩玥耳仔。
不甘被嘲老餅黃宗澤嫌劉佩玥肥拍親熱戲壓親黃宗澤(Bosco)及劉佩玥(Moon)等昨日宣傳新劇,頭兩集有激情戲的Bosco及Moon咀戲未播已開始「唇槍舌劍」,Bosco笑Moon肥,Moon則暗寸對方老,笑爆全場。黃宗澤chok晒甫士,不忘扭劉佩玥耳仔。藝人黃宗澤、蕭正楠(Edwin)、黃翠如、劉佩玥、鄧佩儀及糖妹等昨日到將軍澳宣傳新劇《幕後玩家》,龔嘉欣、莊思敏及陳自瑤穿低胸裙性感到場,非常搶 ...


不甘被嘲老餅 黃宗澤嫌劉佩玥肥 拍親熱戲壓親

黃宗澤(Bosco)及劉佩玥(Moon)等昨日宣傳新劇,頭兩集有激情戲的Bosco及Moon咀戲未播已開始「唇槍舌劍」,Bosco笑Moon肥,Moon則暗寸對方老,笑爆全場。

藝人黃宗澤、蕭正楠(Edwin)、黃翠如、劉佩玥、鄧佩儀及糖妹等昨日到將軍澳宣傳新劇《幕後玩家》,龔嘉欣、莊思敏及陳自瑤穿低胸裙性感到場,非常搶鏡。

齋飲果汁排毒減肥

Bosco與Moon頭兩集有激情戲,Bosco直言要引觀眾追看。問Moon有否被Bosco電親?Bosco即插嘴說:「唔問我有冇畀佢壓親?」Moon即作狀追打對方。Bosco說:「我哋成日整蠱Moon,話成公司都靚女,叫佢減肥,佢都齋飲果汁排毒,好有恒心。」Moon則暗寸Bosco老:「同三位阿哥(男主角)合作獲益良多,但唔敢講係咪由細睇到大。」Bosco說:「唉!佢話細個睇我同阿蕭套《戀愛自由式》,都係13年前咋,佢成日笑我老。」

提到Moon在新加坡頒獎禮奪新人獎,有否多謝緋聞男友伍允龍?她說:「點解要特別多謝佢?我有多謝前輩,包括佢(指着Bosco)。(同龍龍慶祝?)有機會,希望下次頒獎禮再下一城,拎螢幕情侶獎。」

龔嘉欣低胸上陣,非常養眼。
  • 龔嘉欣低胸上陣,非常養眼。
陳自瑤
  • 陳自瑤
黃宗澤推蕭正楠咀翠如。
  • 黃宗澤推蕭正楠咀翠如。

蕭正楠儲結婚經驗

昨日大會為35歲生日的翠如炮製驚喜,送上鮮花及蛋糕,令翠如勁感動。當翠如跟Edwin合照時,現場大叫「咀佢」、「結婚」,惟Edwin只肯輕吻女友玉手,到合照時眾星向壽星女嘟嘴賀壽,搞鬼的Bosco將Edwin推向翠如,成功令Edwin咀翠如臉珠。事後問Edwin會送甚麼禮物給女友?他說:「畀你估到就唔係食神可能送曹永廉個男配角獎畀佢!」再問Edwin何時求婚?他說:「劇中結過,儲好多經驗同默契,要儲多陣,佢都要拍戲到出年年中,人生大事我要多啲時間,唔想草率。」

另外,有網友指《幕》劇宣傳片「離地」,Bosco直言有少許誇張,但能引起話題是好事。Edwin及翠如亦指宣傳片跟劇集不同,劇集絕對「貼地」。

文:影視組


鍾意就快D Share啦!