2016年10月7日 星期五

唐詩詠向洪永城放話隨時閃嫁 __,唐詩詠,洪永城,

唐詩詠大方講感情事,仲放風話不排除閃婚。
唐詩詠向洪永城放話隨時閃嫁有「絕世好女友」之稱的唐詩詠,與洪永城拍拖以來,男方一直被指得不到女友契哥馬國明認同,更傳出兩男於楊怡婚禮上「硬碰」,為息事寧人,詩詠昨日一反常態,公開向男友大派定心丸,自爆隨時閃婚,據悉洪永城亦已冧掂女友,兩人最近已展開同居生活試婚!唐詩詠大方講感情事,仲放風話不排除閃婚。無綫藝人唐詩詠昨日到鑽石山商場出席活動,獲司儀以「不能錯過的女友」介紹出場,這位「絕世好女友」與洪 ...


唐詩詠向洪永城放話隨時閃嫁

有「絕世好女友」之稱的唐詩詠,與洪永城拍拖以來,男方一直被指得不到女友契哥馬國明認同,更傳出兩男於楊怡婚禮上「硬碰」,為息事寧人,詩詠昨日一反常態,公開向男友大派定心丸,自爆隨時閃婚,據悉洪永城亦已冧掂女友,兩人最近已展開同居生活試婚!

無綫藝人唐詩詠昨日到鑽石山商場出席活動,獲司儀以「不能錯過的女友」介紹出場,這位「絕世好女友」與洪永城拍拖約一年,但Tony已先後與舊愛造型師Bird Tse傳翻撻,又與黃翠如及新劇對手傅嘉莉屢傳緋聞;另邊廂,自詩詠與Tony拍拖後,一直有傳馬國明(馬明)對Tony「看在眼裏」,不甚睇好二人戀情。直至昨日傳出詩詠「契哥」馬明終看不過眼,於楊怡及羅仲謙婚禮上借飲兩杯替阿妹出頭,與Tony針鋒相對,二人更差點碰爆杯!

其實大家又使乜擔心詩詠同Tony,雖然Tony形象花弗、口花花,實情詩詠很愛他,而Tony亦好錫詩詠,就算馬明幾唔鍾意,他倆仍如膠似漆,打風都打唔甩。據詩詠身邊老友透露,向來孝順的詩詠不論之前住九龍塘抑或搬到將軍澳,一直都與爸爸同住,當Tony搬入西貢匡湖居後,與詩詠各有各忙甚少見面,他一直都有叫詩詠搬過去同住,但詩詠不想爸爸獨居,亦打算再睇定啲二人關係,遲遲未決定,不過原來詩詠早前已進駐Tony寓所,搖身一變做女主人,難怪楊怡婚宴當晚兩人同車走。

洪永城有唐詩詠派定心丸,安落晒!
  • 洪永城有唐詩詠派定心丸,安落晒!
唐詩詠着慣婚紗行騷,真正結婚又會點呢?
  • 唐詩詠着慣婚紗行騷,真正結婚又會點呢?
唐詩詠對契哥馬國明照顧周到。
  • 唐詩詠對契哥馬國明照顧周到。
楊怡擺酒當晚,唐詩詠與洪永城唔止同車,仲同居添呀!
  • 楊怡擺酒當晚,唐詩詠與洪永城唔止同車,仲同居添呀!

護男友夠成熟

詩詠昨日對繪影繪聲的傳聞親自回應,她說:「嗰晚我要做姊妹行嚟行去,冇發現佢哋喺婚宴上有接觸。(傳佢兩個差啲碰爆杯?)好戲劇喎,冇乜可能,洪永城只係話去婚禮好開心,傾咗好多偈。(你離開婚宴時嬲爆爆?)攰啫!做一日姊妹攰過拍劇。(約飯局等佢兩個friend啲?)好耐之前諗過約埋一大班人,後來覺得唔需要咁專登。」

問到詩詠被外界意圖「吹散」,需否透過傳媒公開向Tony派定心丸?她笑言:「我冇嘢同佢講,佢有冇嘢同我講?(佢成日講結婚計劃囉!)我冇聽過。(佢係你Mr. Right?)咁遙遠嘅事留番第時先講。(對佢有保留?)隨緣啦,世事好多變化。(佢唔夠成熟?)又唔好咁話佢,每個人都唔同嘅。(馬明追緊你?)呢個只係一個劇場嚟啫!」

發完嬌嗔後,詩詠又稱接受「閃婚」,似向已做好結婚計劃的Tony隔空放話,她說:「楊怡婚宴嗰晚好多人問我,仲推我去搶花球,我知大家緊張我,結婚係我會做嘅事,但未計劃,我係會突然閃婚嘅人,公唔公布睇到時心情同另一半想法,結婚係自己事,唔需要搞咁多嘢,希望有私人空間。」

「兩兄弟」有偈傾

談到詩詠隔空向他「放風」時,Tony昨日接受電話訪問說:「我唔想回應好多時回應咗就變新聞,我唔想咁樣,希望大家明白。(同馬明差啲碰爆杯?)拍古裝劇咩?《城寨英雄》咁!我同馬明當晚傾咗兩句,都係良好氣氛下,佢做兄弟,我哋有碰杯,但絕對冇傳到咁誇張!」至於馬明則透過WhatsApp回應碰杯一事:「一聽就知流料,大家笑吓就算!」

文:影視組


鍾意就快D Share啦!
Related Posts Plugin for WordPress, Blogger...