苟芸慧陸漢洋同場食飯，不過就前後腳走，有啲此地無銀咯！
盛傳與錫礦大王後人陸漢洋（前名陸恭和）拍拖的苟芸慧，今晚與緋聞男友陸漢洋、關心妍夫婦、譚凱琪等現身蘭桂坊食私房菜。
大概晚上十一時十五分，陸漢洋與關心妍夫婦先行步出。記者問陸漢洋：「點解唔同苟姑娘齊齊出嚟呀？」向來低調的他，即支吾以對行並先行上車。之後再問關心妍為何咁齊人，是否有慶祝活動？關心妍笑謂：「我唔知講唔講得，你問番佢（陸漢洋）」之後，三人便齊齊坐車離開。
十五分鐘後，苟姑娘與譚凱琪及一名女友人齊齊離開。問苟姑娘是否有慶祝活動，她說：「陸漢洋生日。一班人慶祝，有其他朋友㗎，唔係兩個人。」似乎有啲「此地無銀」。
之後三人齊齊上車走人，譚凱琪於銅鑼灣先行落車，之後私家車再直駛跑馬地友人寓所，並下車上樓。
來源 source: http://hk.on.cc
|
鍾意就快D Share啦！
|
|
|
