2016年11月3日 星期四

王君馨主動搏 friend 田蕊妮寸爆起晒杠 [壹週刊 - 1391] __,君馨,田蕊妮,王君馨,M1,

導演一cut機,田蕊妮即刻擰歪面,寸爆。娛樂偵訊王君馨主動搏friend 田蕊妮寸爆起晒杠憑住《城寨英雄》入面花曼一角,王君馨終於等到機會跑出,大台當然唔會放過佢,要劇接劇狂做,最近王君馨又被安排接替林夏薇,參演新劇《超時空男臣》,同視后田蕊妮拍住上。見到王君馨來勢洶洶,田蕊妮即刻起杠,早前兩女碰頭在尖沙咀拍街景,田蕊妮全程同王君馨保持距離,即使王君馨主動撩傾偈,田蕊妮亦反應冷淡,寸爆!太過世界女 ...


導演一 cut機,田蕊妮即刻擰歪面,寸爆。

娛樂偵訊

王君馨主動搏 friend 田蕊妮寸爆起晒杠

憑住《城寨英雄》入面花曼一角,王君馨終於等到機會跑出,大台當然唔會放過佢,要劇接劇狂做,最近王君馨又被安排接替林夏薇,參演新劇《超時空男臣》,同視后田蕊妮拍住上。

見到王君馨來勢洶洶,田蕊妮即刻起杠,早前兩女碰頭在尖沙咀拍街景,田蕊妮全程同王君馨保持距離,即使王君馨主動撩傾偈,田蕊妮亦反應冷淡,寸爆!

太過世界女

大台新劇《超時空男臣》大玩穿越時空,除咗田蕊妮同王君馨,仲有蕭正楠做男一,早前兩位女主角在尖沙咀拍外景,唔使埋位一向世界女的王君馨,經常主動撩田蕊妮傾偈,不過對方就唔多領情,好多時都一句起,兩句止,搞到王君馨勁無癮。

之後導演要求二人企喺馬路邊試位,其間有車駛過,王君馨出手攬一攬田蕊妮,但係田蕊妮繼續冇反應,連番主動都食檸檬。

於是王君馨轉頭去冧工作人員,主動請助手食糖,又搭住對方膊頭傾偈,對住男工作人員,仲嘟嘴扮 cute,對方當堂冧晒!

早前曹永廉生日,冇份開工的王君馨仲秘密現身玩驚喜,「嗰晚 Grace收到風,劇組會幫曹永廉慶祝生日,佢即刻主動話訂蛋糕,又問齊時間、地點,話要俾 surprise佢,好識做人!」一名劇組人員

透露。

Roll機前田蕊妮寧願挨實欄杆放蚊都唔同拍檔君馨對戲。

君馨出盡冧招,主動派糖俾助手同田蕊妮。

有車駛近,王君馨出手攬實田蕊妮,可惜對方 cool爆無反應。

對住男工作人員,君馨嘟嘴扮 cute。

攝時間陪女友

套劇除咗田蕊妮同王君馨外,蕭正楠都有份參演,最近他忙到震,剛剛先去完新加坡出席頒獎禮,一返香港就繼續為新戲開工,仲要做《幕後玩家》宣傳,搞到冇時間陪女友。

「 Edwin(蕭正楠)日日要趕戲,真係少咗時間陪翠如,不過每次放 break如果有多過一個鐘,佢都會盡量抽時間自己揸車出去搵翠如食個飯先再返來開工,又會成日打俾女朋友報到,我哋都問佢使唔使咁痴纏!」工作人員透露。

去年,進取的王君馨拍《公公出宮》期間,就俾胡定欣同林夏薇聯手杯葛。

拍完淋雨戲份,工作人員即替蕭正楠整理衣裝。

田蕊妮同合作多次的蕭正楠就投契得多。

當日無戲份的王君馨買晒蛋糕踩場,同曹永廉慶祝生日。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...