2017年2月4日 星期六

大陸接管荷李活!《時代》用范冰冰做封面 點醒美國人 __,冰冰,范冰冰,中國,大陸,李冰冰,

HowChinaaimstotakeoverHollywood?令人怵目驚心的標題。接管荷李活喎!大國崛起,以大陸依家嘅財力,不是夢。標題如此有攻擊性,內文就是HowChinaIsRemakingtheGlobalFilmIndustry——中國如何重塑全球電影業。其實一切都只係過程問題。呢個係本月6號《時代》(TIME)雜誌亞洲版封面,封面人物係范冰冰。今次亦係繼王菲、鞏俐、章子怡等演員之後,相 ...


How China aims to take over Hollywood?令人怵目驚心的標題。接管荷李活喎!

大國崛起,以大陸依家嘅財力,不是夢。標題如此有攻擊性,內文就是How China Is Remaking the Global Film Industry——中國如何重塑全球電影業。其實一切都只係過程問題。呢個係本月6號《時代》(TIME)雜誌亞洲版封面,封面人物係范冰冰。今次亦係繼王菲、鞏俐、章子怡等演員之後,相隔9年再有華人藝人登上《時代》封面。文中以「中國最知名的女藝人」介紹范冰冰,更稱其一雙水汪汪大眼「有如從卡通片走出來的公主一樣。」范冰冰去年拍攝多部電影,包括《我不是潘金蓮》、《爵跡》以及與成龍合演的《絕地逃亡》,入圍金馬獎最佳女主角,仲係多個國際品牌如 L’Oréal, Louis Vuitton同Cartier代言。冇人識大陸依家有乜嘢演唱唔緊要,《時代》稱,依家荷李活仰賴的,是大陸市場。舉個例,范冰冰當年「硬插」於《鐵甲奇俠3》,有大頭,反只限大陸上映版本先見到佢,國際版就冇。點解要咁做?為咗大陸動輒幾十億嘅票房。文章指,大陸電影近幾年發展蓬勃,去年更創下逾457億人民幣票房,有值得得荷李活效法之處,更指大陸市場嘅票房,遲下就可以超越北美。(扣除咗幽靈場次同水份票房未?)更指荷李活電影能否回本,都好靠大陸票房,因為大陸市場真係太大。《時代》文中亦有提及一例子,就係大陸投資者大舉入侵,美國嘅工作室都會慢慢配合大陸嘅標準,有啲題材會成為禁忌,例如西藏嘅問題咁,文中有提及批評者提出嘅一個問題做例子,就係《奇異博士》入面嘅古一,點解會由原作嘅西藏男人,變咗做由泰達史雲頓(Tilda Swinton)嘅白人女人演出。題外話。荷李活近年被大陸投資者大舉入侵,多套大片由演員到植入廣告都滲透不少「中國元素」,就連《鐵甲奇俠3》要加入大陸影帝王學圻、范冰冰仲又拍埋《變種特攻:未來同盟戰》(X-Men:Days of Future Past)、《天煞地球反擊戰》(Independence Day)亦有Angelababy同「蒙牛牛奶」大特寫,仲有《俠盜一號:星球大戰外傳》(Rogue One:A Star Wars Story)嘅姜文拍住甄子丹擔任重要角色。2016年前三個季度,中國對美國電影業嘅投資激增至37億美元(約288.6億港元),其中一個主要原因就係中國首富王健林旗下嘅大連萬達集團收購咗北美第二大院線AMC。於是Rick Berman就喺洛杉磯日落大道上整咗個「中國紅色木偶(China's Red Puppet)」字樣嘅大型廣告,話俾大家知,「共產主義收購美國電影」。How China aims to take over Hollywood?

真的不是夢。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...