掃呢頁CODE去手機

2017年2月4日 星期六

娛刺撈飯:條脷識轉彎!神奇志偉鬥女賭神你點開盤 __,志偉,周潤發,賭神,曾志偉,

志偉單挑女賭神一定夠晒噱頭!刀仔鋸大樹,曾志偉買馬只係用咗2,000蚊,就贏咗1,600萬返嚟,易過中六合彩,即刻搞到一地花生同葡萄,個個都當佢賭神,將不可能變可能!雖然有話唔賭唔知時運高,但我Nuts哥絕對唔鼓吹大家賭博,只係相信富貴逼人,運氣嘅嘢真係冇得講!雖然志偉個老友譚詠麟成日話志偉屎忽撞棍啫,但你睇志偉另一個老友阿叻(陳百祥)夠係專家,夠日日睇晨操啦!我諗阿叻見志偉呢招「盲拳打死老師傅」 ...


志偉單挑女賭神一定夠晒噱頭!刀仔鋸大樹,曾志偉買馬只係用咗2,000蚊,就贏咗1,600萬返嚟,易過中六合彩,即刻搞到一地花生同葡萄,個個都當佢賭神,將不可能變可能!雖然有話唔賭唔知時運高,但我Nuts哥絕對唔鼓吹大家賭博,只係相信富貴逼人,運氣嘅嘢真係冇得講!雖然志偉個老友譚詠麟成日話志偉屎忽撞棍啫,但你睇志偉另一個老友阿叻(陳百祥)夠係專家,夠日日睇晨操我諗阿叻見志偉呢招「盲拳打死老師傅」 ...


志偉單挑女賭神一定夠晒噱頭!

刀仔鋸大樹,曾志偉買馬只係用咗2,000蚊,就贏咗1,600萬返嚟,易過中六合彩,即刻搞到一地花生同葡萄,個個都當佢賭神,將不可能變可能!雖然有話唔賭唔知時運高,但我Nuts哥絕對唔鼓吹大家賭博,只係相信富貴逼人,運氣嘅嘢真係冇得講!雖然志偉個老友譚詠麟成日話志偉屎忽撞棍啫,但你睇志偉另一個老友阿叻(陳百祥)夠係專家,夠日日睇晨操我諗阿叻見志偉呢招「盲拳打死老師傅」,都會不禁講一句:「咁都得?」睇怕以後都係瞓多兩粒鐘,又或者晨雞咁早起身,都係飲個早茶暖吓肚好過嘞!

有人就話志偉住正間風水屋財源滾滾,有口痕友直情同我Nuts哥講:「佢之前輸埋輸埋冇人知啫!」、「佢本身大把水,唔志在」都話依家好多人憎人富貴厭人貧㗎志偉係有米,但我Nuts哥就唔信1,600萬對佢嚟講係散銀囉!計我話,個個咁多理論馬後炮,一時又話志偉行運,一時又話志偉轉數快、數口勁,不如叫志偉做過江龍,過大海同近排傳聞贏過億嘅神秘女賭神賭番鋪,嚟番場真正嘅賭城風雲,等大家睇吓女賭神羅庚勁,定係志偉神算醒!

閱女無數!晒心口都嘥氣!

澳門賭場近排出現一個神秘女賭神日日玩百家樂,堅係日日易賞錢,輕輕鬆鬆鄧梓峰就贏咗過億!傳聞話呢個女賭神出手又狠又準又忍得,一唔啱心水就叫荷官飛牌飛到頭都暈,睇準先出手落注!仲話賭場用盡科技研究呢位女賭神有冇出蠱惑,但睇極都冇漏洞,仲拖低某賭場嘅業績,令唔少賭場聞風喪膽!查實一鋪買300萬,手風旺起嚟贏過億都唔難!尤其對於一個職業賭徒嚟講,點玩、使幾錢玩、玩啲咩,全部都係計數,冇得靠運氣!

雖然未知呢位女賭神何方神聖,早排仲流傳佢嘅「真身」相片,身材同賭術一樣「胸狠」,不過好快就話另有其人!如果搵志偉做荷官,真係有得諗喎!佢行出嚟個樣咁卡通已經夠搞笑,講氣場一定勁過女賭神!就算女賭神大胸又點?志偉閱女無數,大胸、平胸、有線、冇線都冇有怕,你心口拉低幾寸玩轉移視線、換牌換幾廿次又點?唔驚!志偉出名口臭,把聲又夠刺耳,你一換牌我又寸吓你窒到應,得閒又搞吓爛Gag,獎門人上身同你講句:「Super!」唔笑死都嚇親!志偉有咁多紅顏知己,真係貪佢靚仔咩?就係因為佢口技強勁條脷識轉彎!不費吹灰之力用吓冧功,剛柔並重,九淺一深,女賭神仲唔投降?睇怕個女賭神全程唔係冧到震,就係笑到噴飯、牌都揸唔穩,都好難專心落注嘛?分分鐘開心到係咁易玩兩鋪就收手皆大歡喜,直情同志偉摸吓酒杯底交流吓馬經仲實際喎!

自嘲零包袱 抵你發達!

唔好睇志偉身高五呎多少少,查實佢做武師入行,真係估你唔到,做做吓變埋男主角兼堅有戲做埋影帝!志偉短小但堅精悍,仔女成材,老婆都有兩個,都唔係個個可以做到,志偉講過:「諷刺自己,係人生最好嘅潤滑劑。」好老實,可以唔怕瘀連自己都笑埋一份,唔係話厚面皮咁片面,即係做人拎得起放得低,咁先至開心!所以志偉畀人問贏咁多錢,佢都只係話當係數字遊戲一場,覺得開心同感恩,善事繼續做,仲話唔信咩風水屋,存好心做好事,行運自然風水好咁話!呢句真係堅㗎,個人有Heart有正能量,做乜都零舍順利,呢個先至係真正嘅發達秘笈!


來源 source: http://hk.on.cc
鍾意就快D Share啦!