2017年5月17日 星期三

倪晨曦成IG女神 着三點式最銷魂 __,女神,IG女神,倪晨曦,

真係好有仙氣。獲封為IG人氣女神的倪晨曦(Elva)於2005年以18歲之齡參選多倫多華裔小姐即奪冠,畢業後到香港多線發展,近日在ViuTv節目《全職 ...


真係好有仙氣。

獲封為IG人氣女神的倪晨曦(Elva)於2005年以18歲之齡參選多倫多華裔小姐即奪冠,畢業後到香港多線發展,近日在ViuTv節目《全職媽媽放大假》中,做其中一個家庭的保姆,真性情贏得觀眾喜愛,人氣急升!此外她亦有參與過電影演出,甜美樣子深得一眾廣告商歡心!

日前Elva為美容公司拍廣告,早前徐子珊、李亞男、鍾嘉欣等師姐亦曾與此公司合作,Elva更兩度成為代言人,非常威水!不過今次新一輯廣告相當辛苦,由朝早07拍到半夜,拍足18小時完全冇停,Elva更要攀山涉水,幸好她本身亦很愛戶外活動,她說:「我好鍾意戶外活動,平時最愛玩瑜伽,亦會去沙灘、行山,好鍾意出外,所一到夏天會曬黑,哈哈!」

廣告中Elva換了多個造型,最為養眼的當然是水着Look,雖然她外穿大碼白恤衫,但若隱若現的感覺更是性感!對於今次拍攝造型,Elva說:「性感冇問題,最緊要性感之餘要健康,雖然時間長又要換多個造型,但講到辛苦,上年仲辛苦,可能係天氣關係,而且室內景較多,所以唔算好辛苦。」

擁有Fit爆身材的Elva又分享Keep Fit心得,她說:「其實我好鍾意食嘢,我嘅keep fit心得首先係少食多餐,第二唔好太極端去壓抑自己唔食,最終反而會變成暴飲暴食,最緊要係份量,食少啲,可以滿足口感,又唔係吸收太多卡路里,最後就係要戒糖,甜嘢會易肥同水腫。」講到今年新目標,Elva說:「網上平台變成自己事業好大嘅重心點,自己經常飛世界各地取材,將最新資訊包括美容、飲食、運動放上網上平台同大家分享,最開心係有好多followers支持,今年都希望有更多不同嘗試,包括電影同電視演出,令更多人認識自己。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...