蔡卓妍、衛詩雅、楊洛婷同老公黃天翱今日喺中環出席 FURLA 90周年慶祝活動，阿Sa直認每次做完騷都有禮物收，Sa媽就最開心，阿Sa話：「我o依家好少送嘢畀佢，因為太多免費，佢最開心，一個仙都唔使使，因為我好大支出，每個月樓、車、狗仔同姐姐，仲有嫲嫲，o依家供堂妹去英國讀書。」阿Sa話供堂妹讀書，每年差唔多要50萬，呢個堂家姐真係唔話得，阿Sa話：「我細細個好想去第二度(讀書)，但係屋企環境好難供，我堂妹畫畫好有天份，我又冇兄弟姊妹，得一個堂妹，細我好多年，我當佢親妹。佢比較內向，想佢見識吓世面，讀唔讀到唔緊要，最緊要開心。」阿Sa就話自己已經冇咗想去外地讀書嘅念頭，問佢係咪想嫁多啲？阿Sa就話：「唔係呀！隨緣啦。」而懷孕5個月嘅楊洛婷同老公拍拖到賀，見楊洛婷上圍升cup勁豐滿，起碼升到F cup，連身旁嘅老公黃天翺(Tim)都忍唔住大讚老婆犀利！楊洛婷話：「好勁呀！佢（指）每朝起身見到都嘩嘩聲！o依家兩星期就升cup，買衫好辛苦，o依家都係買sport bra，等佢定落嚟先再買。」Tim就全程開心笑騎騎，但佢就話怕老婆咁大落去會腰痛唔舒服，都想佢快啲停止升cup。另外，衛詩雅今日真空上陣，佢話咳咗成個星期都未好，仲話好緊張新片《失眠》嘅票房，每日睇賣飛情況好似睇股市咁，睇到優先場嘅飛爆滿就好似中六合彩咁，緊張到真係失眠。
| ( 攝影：陳順禎 ) | | |
| |
|
鍾意就快D Share啦！
|
|
|
