2017年7月4日 星期二

林峯使錢無上限 千語反常碌到冇高潮 __,林峯,吳千語,千語,

林峯天生愛情狂,依然既愛不咎!我Nuts哥耐唔耐就會聽到有人慨嘆,話喺娛樂圈要搵到真愛真係唔容易,其實閃分閃離,無分圈內圈外,事關潮流興亂愛,邊有咁易 ...


林峯天生愛情狂,依然既愛不咎!

我Nuts哥耐唔耐就會聽到有人慨嘆,話喺娛樂圈要搵到真愛真係唔容易,其實閃分閃離,無分圈內圈外,事關潮流興亂愛,邊有咁易搵到真情在?但凡事有例外,要數圈中癡心情長劍,還看林峯!即使最近有傳同佢拍拖5年,細佢14歲嘅「千語BB」吳千語, 因為冇樓揸手,兼識到中年富商,3月已經低調分手,但天生愛情狂林峯依然既愛不咎!

其實「峯語戀」傳分手都傳咗N次,分手原因不外乎話林峯頂唔順吳千語拜金!對於呢個「拜金」標籤,千語何止百辭莫辯,直頭千言萬語無從說起!鬼叫林峯喺拍拖初期,已經密集式同千語BB拍拖遊遍東京、沖繩、大阪、米蘭咩!仲要送名牌袋,出埋七人車加司機管接管送,好似倒模《格雷的五十道色戒》入面個有錢佬豪追廿零歲安娜咁嘅玩法,咁窮家女安娜實會被人話貪錢㗎喎!

要乜有乜開壞個頭

林峯冇錯係家底厚,返內地拍劇閒閒哋搵3千萬人仔,要衣食住行一條龍全天候360度照起女友,綽綽有餘, 亦吹佢唔脹,但就間接搞到千語好似個好食懶做、不事生產嘅廢青咁,唔好忘記,千語曾被踢爆聲稱留學澳洲,其實係出身沙田大圍嘅低分會考生,家底亦唔係特別有!雖然話愛情無分等級,「笑聲,笑聲,滿載溫馨」,王子同灰姑娘都可以有真情在,但林峯話晒係「廈門富商」之子,網友點睇一下子飛上枝頭嘅千語呀?就連林峯阿爸同細佬都被傳唔妥「峯語戀」,點解千語得唔到未來老爺同叔仔嘅祝福?咪就係阿峯拍拖初期,開錯咗個頭囉!

唔係話要千語60歲前都唔好畀飽飯佢食,只係可唔可以效法吓天王郭富城、黎明咁,寧被人知,都唔好直認, 要收收埋埋,直到結婚至算!點知林峯就別樹一幟,唔只喺記者面前認愛千語BB,仲講足七次「好愛」,棟篤男神黃子華講過:「唔好同我講愛,做」雖然林峯都講得出、做得到,錫到千語燶,陪行街、陪放狗,連狗屎都執埋,但點解外國有句說話叫「Love is Shit」?因為兩者某程度幾似,試諗吓,當你連講七次「我執你」,唔好話人,連舊屎都覺得你肉麻!

深閨宅女愛打機

雖然千語只得23歲女,但曾經為老友馬天佑小便睇水嘅佢,好歹都叫做見過大蛇屙尿,點會坐以待斃,任網友狂砌咁被動?以前成日被人影到出入名店嘅佢,近排就一反常態,低碳減排,約埋朋友行公園,一派「今天起要早睡早起,多啲蔬菜,飲多啲水」嘅life style,真係差啲誤會咗佢男友係林一峰添呀!

但公園都唔能夠「7x24」咁行法㗎!林峯又成日返內地拍劇,悶起上嚟,點算呀?難怪千語被人影到落灣仔電腦商場買PS4,連呢期熱炒嘅家用、手提兩用機Switch都唔揀,就係等自己冇藉口拎部機出街打,一於困住自己喺屋企做宅女,雖然話有傳林峯打算明年同千語低調結婚啫,但冇嘢係坐定粒六嘅,一日未結婚,就好似玩《百萬富翁》未過保險線咁,若果因為怕悶走出街,結果又被影到同男士買家具,節外生枝就無謂


來源 source: http://hk.on.cc
鍾意就快D Share啦!
Related Posts Plugin for WordPress, Blogger...