拍劇啫。
藝人何佩瑜（Jeana）、吳卓羲及陳凱琳於邵氏網劇《飛虎極戰》內發展三角關係，今晚三人於蘭桂坊開工，吸引大批途人圍觀。首天為劇集開工的Jeana以黑色tube dress上陣，拍醉酒戲向吳卓羲「投懷送抱」，她更大讚拍檔有風度及幽默，問到可擔心傳出緋聞，Jeana笑答：「我哋行得正、企得正、企正馬路中間畀大家影相喎。」
談到「處女下海」拍劇，Jeana不諱言於金像獎派對上認識無綫高層樂易玲，接到對方電話邀請拍劇時，自己開心如中獎：「有咁嘅機會連六合彩都唔要嘞，我覺得今次角色好有發揮。（拍劇拍上癮？）有得再拍梗係好啦。（樂小姐邀你長遠嘅合作？）未傾到咁深入，如果有一定會考慮。」
吳卓羲今次獲Jeana及陳凱琳同時傾慕，他搞笑表示：「以前都係我爭人，邊有馬明（馬國明）咁好艷福吖？（拍得辛苦？）休息好夠，只係太多打戲，早幾日我同武師喺電車對打，搞到對方倒轉碌落樓梯，傷到少少頸椎，好彩冇事，我就手瘀腳瘀咁，衫褲遮住嘅地方都有傷，我依家瞓上床好似軀殼唔屬於自己咁，不過冇所謂，最緊要出嚟效果好同觀眾鍾意啫。（Jeana狂讚你。）我覺得同女演員有身體接觸，一定要事前溝通，免大家尷尬嘛。」
來源 source: http://hk.on.cc
|
鍾意就快D Share啦！
|
|
|
