2017年7月16日 星期日

親揭犀犀利身世!古仔又講普通話 __,古仔,古天樂,

古仔今日連趕兩場慈善首映禮。影星古天樂、英皇集團老闆楊受成、草蜢等在旺角出席電影《喵星人》慈善首映禮。而古天樂去旺角前,就先同「喵星人」犀犀利到銅鑼灣 ...


古仔今日連趕兩場慈善首映禮。

影星古天樂、英皇集團老闆楊受成、草蜢等在旺角出席電影《喵星人》慈善首映禮。而古天樂去旺角前,就先同「喵星人」犀犀利到銅鑼灣出席另一個慈善首映,但犀犀利似乎難抵炎炎夏日,搞到幾乎中暑。

古仔受訪時坦言經常擔心犀犀利會中暑,指團隊在內地宣傳時,犀犀利試過在戶外暴曬半個鐘陪小朋友玩遊戲:「好慘呀!(唔搵人輪替?)佢係默劇演員嚟,搵第二個扮都冇咁神似。每次都擔心佢中暑,套戲夏天拍,有次喺數碼港開工,佢喺露天由中午12點拍到晏晝4點,仲要跑成5、6分鐘先停一停。」問有否擔心自己會中暑,他即謂:「我戴住個假髮都好辛苦。(假髮咁靚,今日唔戴出嚟?)我驚中暑嘛!」

咀嘴超過廿次

提到古仔與女主角馬麗有親熱戲,問與男神咀嘴是否好開心,馬麗即謂:「還好吧!」豈料古仔即用普通話笑謂:「我很開心!」又指劇本本身沒有咀戲,但導演第一日開工時就要求加插咀嘴環節,指馬麗發脾氣時,古仔用咀嘴就會化解危機:「超過20次!場場都係,唔係一場!(破晒紀錄?)呢次真係好多!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...