2017年7月30日 星期日

陳茵媺做女王!陳豪創「摩西密碼」養全家 __,茵媺,陳豪,陳茵媺,

「摩西密碼」嘅精髓係:多、密、長!聖經記載古有先知摩西(Moses)將紅海一分為二帶領猶太人着草逃離埃及,一命救全家,計我Nuts哥話,今有同樣都係叫 ...


「摩西密碼」嘅精髓係:多、密、長!

聖經記載古有先知摩西(Moses)將紅海一分為二帶領猶太人着草逃離埃及,一命救全家,計我Nuts哥話,今有同樣都係叫Moses嘅陳豪一個養全家!家庭計劃,男子有責,正如陳豪之前話齋:「我啲數口都幾精!」先至夠膽三年抱三!養老婆陳茵媺、三個小朋友、三個工人一個司機,柴米油鹽學費等等開銷,每個月支出點都超過20萬!男人最忌soft同small,男人老狗唔夠硬淨膽大拚搏,真係餓死老婆瘟臭屋咩!好在佢數口夠精,憑自家創出一套搵錢吸金嘅「摩西密碼」!

瓣瓣掂 拍劇廣告賣啡

為頭家要全年無休嘅佢,佢套「摩西密碼」嘅精髓係:多、密、長!貴為無綫最「多產」小生,先講生仔已經No.1,可能飲咖啡零舍強勁,真係變變變生命力,三年內生一對囝囝一個囡囡,生殖爆發力認真強勁過維港匯啲煙花!多繁殖嘅佢,拍劇生產力都一樣唔嘢小,一年都拍番至少兩部,啲人成日話無綫出手低,陳豪拍劇都起碼收五萬蚊一集啦,單係舊年拍三部劇已經執咗接近四百萬!

至於「密」,咪係佢人氣高企密密拍廣告同代言囉!講入屋,陳豪嘅滲透率真係好驚人,入油、上網、信用卡、月餅、中藥、植髮,講得出嘅產品代言或活動,八成都有佢份,出個活動坐底收十萬,如果加埋老婆孖咇上,冇廿萬都唔使旨意佢哋出現!最食腦係,每次公布生B或咩性別,留番出活動先講,單賣呢個神秘感,個活動價又可再加碼,仲唔識計數?

講到「長」囉喎,咪心邪囉,係指陳豪睇嘢夠「長線」啫!本身喺澳洲讀會計嘅佢,喺圈中有個朵叫「有米豪」,唔少藝人見親佢,開口唔係傾樓市就係傾股市,就係因為佢夠穩陣!唔單止咁,都話佢係娛樂圈精算師,將興趣化為事業,睇嘢零舍長線!早兩年佢花近千萬打造咖啡王國,唔係掛住自己個嘜頭玩明星效應開吓舖賣咖啡咁簡單,係直頭做生產線搞實業,仲會一條龍服務幫人搞咖啡店或做埋產品設計!咁高瞻遠矚,分分鐘可以搞到上市做埋咖啡CEO!

講冧女 馬國明未夠班

當年有「首席筍盤」之稱嘅陳豪,風靡萬千師奶少女心,單睇被舊愛廖碧兒狠撇,都要繼續為對方講好話,男女老少個個畀Like !好多人話馬國明係繼承者們筍盤二號,但講冧女,Nuts哥就覺得馬國明仲未夠班。太太陳茵媺以前好有野心向視后寶座出發,但佢生完咁多胎未收身,明顯撲熄埋視后團火,皆因陳豪做到足當女王咁服侍!陳豪話一生嘅夢想,就係完成陳茵媺嘅夢想,齋講賣口乖已經贏晒,平時出街唔理形象做湊仔公,又幫老婆孭埋手袋周街行,結婚周年玩二人世界去半島開房宿一宵,以上咁貼地行為唔係個個男人做到。好多人話,女人有附屬卡任碌,代表男人嘅萬千寵愛在一身,查實有錢任使之餘,對方當正自己係女神咁拜,先至最幸福。你係女人,識揀嘅,一定揀陳豪


來源 source: http://hk.on.cc
鍾意就快D Share啦!
Related Posts Plugin for WordPress, Blogger...