聽見個數字都驚！
藝人林盛斌（Bob）出名係圈中好老公同好爸爸，太太Pearl先後為佢生咗三個可愛寶貝女，林霏兒（Faye）、林熹兒（Haye）同林機兒（Kaye），依家仲懷有第四胎，母愛真係偉大。原來Pearl一直有妊娠糖尿問題，仲要定期睇醫生接受治療，佢日前喺社交網就道出睇病嘅情況：「嚴格來講可能我唔係妊娠糖尿咁簡單，我平時嘅糖尿指數都係高嘅，所以去到第四個BB，已經好識得處理。而我嘅處理方法就係要去到每餐打胰島素控制血糖。」
pearl仲透露「由第二個懷孕時第23周開始打胰島素針；第三個由第九周開始打胰島素；第四個時第四至五周就已經開始要打其實咁樣每日打四針，整個懷孕嘅過程係40周，第五周開始打即係我打咗35×7×4=980針，仲未計餐前餐後要篤手指驗血。雖然我依家好習慣點樣處理糖尿病，但係其實我都經過一個掙扎嘅過程。講起當時嘅心情真係一匹布咁長，應該可以另開一篇來寫。但係我最終學習到嘅就係既然已成事實，就順其自然！可以做嘅就做晒佢，總之對得住自己；對得住個小朋友就OK」好多網友睇完都大為感動，指母愛嘅付出真係好大。
來源 source: http://hk.on.cc
|
鍾意就快D Share啦！
|
|
|
