2017年8月7日 星期一

孖女友歐遊擺烏龍 側田遇小粉絲勁感動 __,側田,

側田趁準備年尾紅館騷前同女友去旅行鬆一鬆,人在他鄉都遇到小粉絲,令佢勁開心!歌手側田將於年底再踏紅館開騷,趁未開騷前,他跟圈外女友飛到西班牙旅行,他笑 ...


側田趁準備年尾紅館騷前同女友去旅行鬆一鬆,人在他鄉都遇到小粉絲,令佢勁開心!

歌手側田將於年底再踏紅館開騷,趁未開騷前,他跟圈外女友飛到西班牙旅行,他笑說:「當係騷前輕鬆團。」因為僅得10日時間,他們只是去了馬德里、巴塞隆拿及葡萄牙。第一次到西班牙的側田,看見當地不同類型的建築物,眼界大開,平日不喜歡拍照的他,開心得像小朋友般,不停叫女朋友幫他影相留念。面對歷史悠久的建築物,側田想到不少音樂題材,他正在考慮將這些元素加入個唱中。

女孩邀合照

此行,最令側田意外的是有一日在街頭,有位中國小女孩走到他面前,問他能否合照留念,側田聽到覺得很出奇問女孩:「你點會識我。」原來該小朋友曾看過他「蒙面歌王」的演出,見過他除面具的真面目,所以認得他,令阿田大為感動得眼濕濕,因為沒想到在外地竟然有人認得自己。

冇啦啦打畀Eric Kwok?

當他與女友在馬德里機場,準備轉飛葡萄牙時,才知擺烏龍,訂錯了機票,他說:「喺機場先知撳錯咗下個月嘅機票,咪焗住返番馬德里留多一個下晝。」最初他打算到唐人街搵按摩店消磨時間,但找不到,因為當地一些店舖好早閂門,他們走到一間超級巿場,一行入去就聽到他的歌曲《不經不覺》,他興奮得即刻打電話給這歌的作曲人Eric Kwok(郭偉亮),他說:「佢話係咩?前排我又喺一個地方,又係聽到呢首歌,真係好特別,因為我同Eric冇諗過做呢首歌,係有一次喺泰國機場撞到,傾傾吓話識咗咁多年,講咗咁多年,不如就做呢隻歌,點知一個禮拜我同佢喺唔同地方都聽到呢首歌,感覺好奇怪,歌曲嘅緣分係解釋唔到嘅嘢,我仲要喺第二個國家聽到自己嘅歌,真係夠特別,我會永遠記得呢個moment,非常之難忘。」

食咗先減

此行歐洲之旅,阿田放縱吃喝玩樂,去到邊食到邊,盡情飲啤酒食火腿,他笑說:「返到嚟先減磅操fit。」熱愛唱歌的他每當見到有街頭表演或餐廳有live band,他就會歌癮發作,自動走上台jam歌,他笑說:「當係騷前熱身表演。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...