真係睇見都feel到熱呀！
這個炎夏加上酷熱天氣警告高掛，藝人出外景隨時中暑，而身氣溫高達38度的佛山西樵山拍劇的張衞健（Dicky），光着頭兼着住西裝被猛烈太陽兜頭曬都頂硬上，幸有良心劇組和拍檔演員給予吹風扇和冰涼飲料，令他降溫同時亦大感窩心。
藝人張衞健（Dicky）、洪永城（Tony）、曹永廉、蔡思貝與徐榮等日前已赴佛山西樵山國藝影城，為劇集《大帥哥》拍攝外景。西樵山氣溫高達38度，正於當地為無綫新劇《大帥哥》開工的Dicky，為顧及全體工作人員感受，他接受東網訪問坦言曾在開機儀式現場，當着數百名台前幕後人員承諾，無論天氣如何熱、環境如何差都不能發脾氣。可是當正式開工，西樵山的太陽熱得辣手，Dicky苦嘆不止要發脾氣，簡直要發癲。
齊齊出動風扇仔幫Dicky散熱
由於Dicky當日曾誇下海口講明不發脾氣，所以他每次心中都有個尤如金剛箍般管着自己，Dicky笑言：「咁都係一件好事，唔好畀自己亂發脾氣！（但咁嬲咁曬點消暑？）唔知係咪我光頭，演員怕太陽直曬到我頭頂呢？其他演員見到咁曬，都會用風扇仔幫我吹涼風減熱，真係好感動㗎！」Dicky更稱今次遇到良心劇組：「佢哋防演員及工作人員中暑，每日都準備凍綠豆沙或冰涼飲品給各人，又會安排我住酒店尾房，房門外較出位置再加一楝門，務求令我有個更安靜嘅環境休息及讀劇本。（捱飯盒？）冇，每晚收工都唔使食飯盒，而係可以到酒樓晚飯，真係令我好窩心。」而Dicky粉絲更遠從各地前往探班，更令他大為感動。
來源 source: http://hk.on.cc
|
鍾意就快D Share啦！
|
|
|
