嗚…小編又要玩！！！
影星余文樂與彭于晏（Eddie）與導演郭子健在旺角宣傳英皇電影《悟空傳》，兩位型男狂放笑彈，Eddie先以半鹹淡廣東話說：「我係奇天大聖（齊天大聖）孫悟空，有我同『好基友』一齊拍！」講到樂仔以11個月苦練爆肌拍攝，Eddie自稱是業餘教練，現場有幫樂仔熱身：「我有幫他肌肉充血，全身充血，等他有好狀態！」樂仔即O晒嘴說：「你講咩充血呀？你返入去」兩男與Fans近距離玩遊戲，樂仔搞笑指勝出者可與Eddie過夜，嚇得Eddie作狀飲「墨水」，其後Eddie捉住Fans手仔教擺甫士又幫對方撥頭髮，樂仔即笑他：「平時佢都係咁溝女㗎！」
寸彭于晏係可鄰蟲冇女溝
其後兩位主角及導演齊齊受訪，問樂仔是否爆Eddie很叻溝女？樂仔澄清說：「講笑咋！佢都冇女溝，係可鄰蟲！我有嘅話都會介紹畀佢，但自己都係僅僅夠使咋！」之後他補鑊讚Eddie是超級筍盤，Eddie亦自認現時單身，問有何擇偶要求？他說：「沒有，談得來就可以。（揀香港女仔？）一直都沒有地域要求，但不是說交就交。」問樂仔一身肌肉，台灣女友王棠云是否嗒晒糖？他說：「佢識我嗰時已經冇之前咁顛峰。（畀佢吸乾晒？）下吓？玩呢啲？」
開續集？
電影內地票房已破七億元人民幣，樂仔笑言已過目標，郭子健亦感開心：「老闆有錢賺，我又有得玩。（開續集？）睇兩位大哥畀唔畀到期。」對於有觀眾指戲中花果山消失是隱喻香港，樂仔說：「各有自己想法，每個人接收唔到，大家睇到乜就乜。」郭子健亦指觀眾的解讀相當有趣。
來源 source: http://hk.on.cc
|
鍾意就快D Share啦！
|
|
|
