由演員蕭正楠（Edwin）、曹永廉（阿廉）、何廣沛、田蕊妮等主演的穿越劇《超時空男臣》口碑不俗，首集平均收視25點，最高更有27點（逾175萬觀眾收看），第二周收視更錄得25.8點，逾167萬觀眾追看。劇中三位「男臣」由明朝穿越到現今香港尋找王君馨飾演的太子妃，因要適應現代人生活而鬧出不少笑話。雖然劇集被指抄襲韓劇，但依然無損追看熱潮，有內地網民更留言指睇到「無法自拔」，可見劇集相當受歡迎。
情侶變父女
《超》劇播出三周好評如潮，贏盡口碑加上有好成績，有消息指無綫大有機會開拍續集，繼續玩穿越時空，但改由現代返回古代。東網向監製羅永賢求證，他承認有此打算：「依家認真考慮緊，續集初步構思係講三位男臣由現代返到明朝又習唔習慣呢？因為時空交錯，佢哋嘅歷史又係咪改寫呢？仲要嘅係三傻仲會帶埋『大小姐』田蕊妮同『二小姐』朱晨麗一齊，兩女返古代又會唔會習慣呢？真係好多空間可以發揮！」為加強續集新鮮感，羅永賢透露正設計一個來自2030年的未來機械人角色，實行化身未來愛美神，與「三傻」一齊返回明朝，並屬意由黃翠如擔任。不過，身為蕭正楠女友的翠如卻未能在續集中「奉旨談情」，反而演父女，羅永賢說：「情侶喺戲中又談情未必好睇，我可能會寫佢做阿蕭個囡或者阿廉個囡。」
向監製𢱑撈
獲監製「欽點」做未來人的翠如，直言未收到有關消息，但反傳統要跟阿廉演談情戲：「咁搞笑？唔係咪真㗎？係嘅話梗係覺得好好玩呢套劇好好睇，同埋我聽講拍呢套劇嘅過程好開心。（男友講過唔想你跟阿廉有咀戲？）哈哈！唔知係咪真，係先算我最希望同阿廉有感情戲！」至於Edwin得知開拍續集，受訪時大表興奮：「個劇名有男臣（神），即係要有女（臣）神（開續集喎？）Marco（監製）終於度到條橋就係女版機械人返嚟明朝搵我哋三個明朝嘅男臣（神），呢條橋好好！希望監製搵番我」
|
鍾意就快D Share啦！
|
|
|
