2017年9月16日 星期六

【獨家】乜又係你呀?洗米華孖Mandy Lieu倫敦行街街 錫完又錫好冤氣 __,洗米華,Mandy Lieu,Mandy,劉碧麗,周焯華,

享盡齊人之福嘅43歲嘅澳門賭業猛人周焯華(洗米華),佢同正印陳慧玲(Heidi)再加埋情人MandyLieu嘅三角關係,已經成為城中熱話,嗰陣因為洗米 ...


享盡齊人之福嘅43歲嘅澳門賭業猛人周焯華(洗米華),佢同正印陳慧玲(Heidi)再加埋情人Mandy Lieu嘅三角關係,已經成為城中熱話,嗰陣因為洗米華同Mandy嘅「世紀一拖」,搞到Heidi決定離婚,不過最後喺洗米華極力挽救下,成功冧掂老婆Heidi撤銷離婚申請,另一邊廂又用銀彈政策o氹掂Mandy Lieu乖乖留英國,結果兩頭住家和氣收場。(新聞連結: http://bit.ly/2lzImCs )

本來呢段三角關係沉寂咗一時,但係點知喺今年6月,洗米華去咗夏威夷參加老友澳門德晉集團百億CEO陳榮煉同台灣女星安以軒婚宴,攬住日模松岡李那跳舞,搞到Mandy嬲嬲豬,仲有傳話佢越洋用WhatsApp鬧爆松岡。(新聞連結: http://bit.ly/2sxv2oj )事後有傳洗米華飛咗去英國o氹番Mandy Lieu,仲先後有讀者喺英國唔同地方捕獲佢哋兩個!

喺英國受恐襲前一日,即14日嘅下晝5點左右,有讀者黎小姐透過《蘋果》嘅「爆相爆片」,喺倫敦Harrods行街,黎小姐話:「嗰陣我見到佢哋啱啱睇完女裝,跟住撘電梯去咗睇童裝,不過個男人喺嗰兩程電梯好熱情,好主動擰轉後面錫咗Mandy 4、5次!行到去童裝部,佢哋都男仔女仔嘅衫都有睇吓!」黎小姐仲話:「其實男嘅警戒性都好高,見佢周圍望,佢都有懷疑我影佢,係咁望住我哋,不過喺現場都有一批香港人見到佢哋,有唔少人對佢哋指指點點,但係佢哋都冇乜點理!」

提到英國受恐襲一事,目前仍喺倫敦嘅黎小姐,被問到倫敦受襲後嘅市面情況,佢話:「我都有睇到新聞,不過因為我近st. James's park,同事發地點都有半個鐘車程,啲人淨係叫唔好去嗰邊,佢哋又唔係好驚喎,雖然佢哋咁講,但係我都唔係好敢去嗰邊!」

另,松岡李那原計劃噚晚由日本飛到倫敦睇分別喺英國時間16日及17日嘅兩個時裝騷,其經理人王友良回覆《蘋果》話松岡已經決定取消行程。王友良話:「其實今朝北韓發射導彈(飛越北海道上空),佢已經冇乜心情,o依家倫敦又發生恐襲,兩件事令到佢決定取消倫敦行程,留番喺日本陪佢父母。」

洗米華同Mandy Lieu又喺英國被捕獲!(讀者提供圖片) 洗米華行行吓街都要錫錫!(讀者提供圖片) (讀者提供圖片)
錫完梗係要去睇衫!(讀者提供圖片) 之前有傳洗米華去倫敦安撫Mandy!(資料圖片) (資料圖片)
松岡李那因恐襲決定取消倫敦行程。(ig圖片)

鍾意就快D Share啦!
Related Posts Plugin for WordPress, Blogger...