熱爆娛樂: 【仔都14歲喇...】03年奉子成婚王書麒自爆一直未同許秋怡註冊 _

2017年9月16日星期六

【仔都14歲喇...】03年奉子成婚王書麒自爆一直未同許秋怡註冊 __,王書麒,

王書麒同許秋怡今日結伴出席海俊傑嘅婚宴，秋怡話認識海俊傑好多年，做訪問節目認識嘅，14年前同王書麒結婚時，海俊傑都有飲，今日就算有騷都會推咗去，因為今日係海仔嘅人生大事。問到可會傳授兩公婆相處之道，秋怡話：「唔使啦，佢哋兩個好識㗎喇！反而我哋就會嗌吓交，老公話嗌下交，發洩吓出嚟先知道咩唔啱。」

2003年，秋怡同拍拖7年嘅王書麒奉子成婚(新聞連結：http://bit.ly/2x7iCWP )，佢哋嘅仔都已經有一個14歲嘅囝囝，但係王書麒今日突然自爆，話佢哋雖然同秋怡已經擺酒，但原來咁多年嚟都未曾正式註冊，書麒話：「我哋一齊都15年，都未註冊，都要快啲。」身旁嘅秋怡仲笑住話去美國註冊係嗰度結得快離得快，大家一齊相識21年，兩個一齊都好地地，唔須要做呢樣嘢，反而最大問題年紀開始大，如果入院暈咗做手術，冇人幫我簽紙。」雖然一直未正式註冊結婚，但佢哋就話最緊要開心，其他都冇所謂，秋怡話：「只係一紙婚書，我提議下年7月20日我生日揀呢日去註冊。」

婚宴喺8時42婚開始，一對新人進場，場面浪漫溫馨。

許秋怡同王書麒03年奉子成婚，但原來一直未有註冊。(資料圖片)	佢哋今晚一齊去飲海俊傑嘅婚宴。(攝影：陳慧安)
海俊傑同老婆	當年佢哋都做傳統嘅上頭儀式。(資料圖片)	接晒新娘。(資料圖片)
仲影埋婚照。(資料圖片)	(資料圖片)	(資料圖片)
(資料圖片)	(資料圖片)	(資料圖片)
個仔都14歲喇！(資料圖片)	一對新人進場。
	新娘子好興奮咁送飛吻。