掃呢頁CODE去手機

2017年10月12日 星期四

點止蔡思貝 王浩信暗撻爆乳咪神陳偉琪 [壹週刊 - 1440] __,蔡思貝,王浩信,陳偉琪,M1,

9/10 過往老公有緋聞,YoYo總有第一時間撲火。今舖她沉默多時才配合老公拆彈,但兩公婆表現生硬。探熱針點止蔡思貝 王浩信暗撻爆乳咪神陳偉琪婚前花弗 ...






9/10 過往老公有緋聞, YoYo總有第一時間撲火。今舖她沉默多時才配合老公拆彈,但兩公婆表現生硬。

探熱針

點止蔡思貝 王浩信暗撻爆乳咪神陳偉琪

婚前花弗爛玩的王浩信, 11年跟拍拖三年的 YoYo(陳自瑤)奉子成婚。婚後做埋人父的他一度修心養性,但好快故態復萌,近日傳因搭上蔡思貝而跟老婆分居。

但獵女無間斷的王浩信,一個蔡思貝點夠!有傳他暗撻大台新一代爆乳咪神陳偉琪,識食之餘,做玩家亦要玩得高明。據悉他在將軍澳寓所同座大廈,租多個單位做私竇,方便掩人耳目。

後悔娶妻生女

婚後的王浩信,縱然偶爾拖老婆 YoYo做下恩愛騷,但其實爛玩愛蒲本色未改。有指當了人夫的他,不時向朋友狂呻未玩夠,後悔奉子成婚,夫妻關係絕非表面的和諧。近日更傳婚變,導火線是搭上《踩過界》的對手「新一代姣精」蔡思貝。有知情人爆,在劇組面前扮唔熟的他們,私下約會打邊爐兼 lock門 gathering,又有報導指王浩信曾駕車到蔡思貝香閨短聚。據悉二人的關係,早已是劇組圈子的公開秘密,早已傳到老婆 YoYo耳中。





結婚初期,嘗試修心養性的王浩信,跟 YoYo關係不錯。





有傳王浩信同蔡思貝拍劇一撻即着!兩個識玩之人,面對緋聞當然可以大方合照。





老婆 YoYo一句:「佢人紅自然是非多!」再補飛稱信任老公,有機問鼎視帝的王浩信應該鬆一口氣。





有報導指兩公婆出街零交流後,兩公婆依家一見到鏡頭,都露出笑容。

與咪神同劇撻着

據了解,去年開始事業起飛的王浩信,比之前玩得更狼。一個發電廠蔡思貝未夠喉,今年初拍台慶劇《溏心風暴 3》時,劇組已傳他跟同劇配角,選過港姐的「暴乳類」陳偉琪過從甚密。曾在處境劇《八時入席》飾演「 CoCo姐」而入屋的陳偉琪,雖在《溏心 3》跟另一男主角黃宗澤有肉搏場面,但暗撻的卻是無寶不樂的王浩信。

「佢兩個喺《溏心》冇乜同場, Vincent(王浩信)同 Vicky(陳偉琪)熟,係經啲蒲腳介紹,之後佢兩個玩得好埋,班蒲腳都知咩事。 Vicky本身有男友,王浩信係人夫,佢兩個有共識,短期貨仔。」知情者爆。





陳偉琪在《溏心 3》同黃宗澤肉搏,但有傳與她撻着的,是人夫王浩信。





陳偉琪去年在處境劇《八時入席》的「 CoCo姐」一角入屋。





E級陳偉琪副超級導彈,作為大台食家的王浩信,點會放過。

屋企同幢租私竇

由《撒嬌》的「 Saving」,殺落《踩過界》的人氣,今年有望攞視帝的王浩信,更加玩得高明。知情者續說:「聽講 Vincent喺屋企(日出康城)同一幢大廈,租多咗個單位,話係做 workshop方便開會,因為佢想搞製作同埋籌備開 coffee shop,不過講到尾咪即係私竇。所以同乜人喺私竇玩,都唔驚俾人跟,佢點都係返日出康城啫。」





去年兩公婆仍在網上放閃,但自年初男方事業起飛兼唔黐家後,這些親密合照冇再出現。





攞硬視帝 自林峯 14年離巢後,王浩信踏入上位之路,去年播出的《 EU超時任務》及《致命復活》已穩坐男一。今年王浩信憑《不懂撒嬌的女人》 Saving一角深入民心,加上《踩過界》中飾演盲俠,突破過往角色。今年播出的其他劇集回響不大,得到公司力捧的他在沒有勁敵下,有指王浩信視帝之位攞硬。





《不懂撒嬌的女人》





《踩過界》

為個女不聞不問

王浩信心不在家,枕邊人 YoYo為此情緒一度低落,近年常找朋友訴苦。「結婚頭一年,佢哋關係都 OK,之後 Vincent工作愈做愈順,身邊又多女埋身,收工鍾意去蒲,兩公婆成日為呢啲事嘈。有次凌晨五點幾, Vincent仲未埋位,監製打俾 YoYo,點知 YoYo話老公成晚冇返過嚟,乜都唔知,咁大家都心照。婚前 Vincent個底已經好花, YoYo心裡當然有條刺,不過個女細,自己搵錢能力亦唔高, YoYo依家選擇放輕啲段感情,將注意力轉移晒喺個女身上,等自己開心啲。」知情者說。





有傳王浩信收工後唔黐家,老婆 YoYo為了女兒選擇啞忍。去年底, YoYo被發現一個人湊女去嘉年華玩。





有指因婚姻問題鬱鬱不歡的 YoYo,近年常在 ig甫文舒發心情。





老公爆出同蔡思貝緋聞,一度沉默的 YoYo甫母女相。據悉她曾向朋友傾訴,把心思全放在愛女身上開心啲!

Ig暗寸王浩信 蔡思貝前度麥秋成:呢個人我唔想提

王浩信同蔡思貝暗撻新聞一出,陳自瑤選擇配合老公拆彈,而蔡思貝前度麥秋成則選擇 Ig開 post留言,曲線寸王浩信。「將來我結婚,一家會對老婆好好,只會愛佢一個人。」更在 Hashtag寫下「有因必有果」、「不想講太多,有辦你睇。」明眼人一睇知佢寸邊個。

麥秋成咁肉緊,有指他因年初發現女友蔡思貝同王浩信的關係,一怒之下跟底花的女友斬纜,並要她搬離同居愛巢。

本刊致電麥秋成,問他何謂一個好老公、好男人,他說:「結咗婚就應該專一。」對於近日王浩信偷食他前度蔡思貝的傳聞,麥秋成一聽到王浩信個名,即不屑的說:「呢個人(王浩信),我唔想提!」





有指麥秋成因發現女友與王浩信的關係,一怒之下即分手。

36E爆乳陳偉琪 同蔡思貝同屆

現年 26歲的陳偉琪, 13年落選港姐,參選期間被指有「神秘契爺」為她拉票。擁 E級導彈的她經常在綜藝節目及 Ig不時大騷身材,就連曾經合作過的阿 Bob都忍唔住在節目中望多兩眼而被老婆詐型。之後在處境劇《愛•回家之八時入席》飾演的電視台姐仔 CoCo姐彈出,又接拍了大劇《誇世代》和《溏心風暴 3》,都係靠 body出位。





她跟蔡思貝是同屆港姐,選美上她敗給蔡思貝,但在王浩信心目中,大家打成平手。





擁有 E級導彈的她,從不吝嗇狂晒。

偷食 Cammi

11年,未婚王浩信被指偷食跟陳冠希一啜成名的𡃁模謝芷蕙( Cammi),事後 Cammi承認曾上王浩信位於調景嶺寓所開 party,陳自瑤( YoYo)亦坦言「我係有嬲佢哋」,但選擇相信老公王浩信。有指 Cammi當日在蔚雨芯的生日派對認識王浩信後,翌日即上男方家短聚,數月後,二人趁 YoYo返內地開工,又相約在他家見面,不過卻被提早回家的 YoYo撞破,即時提出分手。但 YoYo後來發現自己懷孕,而王浩信亦指不會再犯,故最後二人和好兼奉子成婚。





11年,王浩信婚前爆出他載𡃁模 Cammi返家,爆出背 YoYo偷食。

撰文:娛樂組

攝影:何子洋、蕭敬漁


鍾意就快D Share啦!