導演陳勳奇抗癌成功(詳見另一文章：http://bit.ly/2ygWTwu )，噚日佢執導嘅新戲《美麗戰爭》正式喺大陸開鏡。新戲由馬國明、譚耀文同孟廣美主演。講卡士唔算大粒，不過陳勳奇做訪問時，就語重深長話唔好信一線藝人，又講到自己之前曾用過一位一線女星，結果換嚟慘淡收場，呢位女星，就係張栢芝。
6年前，陳勳奇開拍《楊門女將之軍令如山》時，搵嚟張栢芝、劉曉慶同鄭佩佩主演。講起呢套戲，早喺三年前，鄭佩佩上大陸節目《大牌駕到》時，就曾經怒轟栢芝工作態度差：「工作態度（指栢芝）很不好的演員，其實她戲演得很不錯的，但是在那個戲裡邊，我覺得她工作態度不好，給我們香港演員丟臉，可能那時她有一點家庭問題，但也不能把家庭帶到工作中，她應該學會體諒工作人員。」(新聞連結：http://bit.ly/1vEI4bl )
到噚日，陳勳奇接受訪問時，提起張栢芝，亦忍唔住點名怒轟：「我從來都不喜歡用大牌演員，以前我拍的電影裡面，只用過兩次大牌演員，第一次用的是鍾楚紅，成功了，電影賣到了歐洲；第二次用大牌就失敗，就是《楊門女將》。有很多人不喜歡提自己失敗的事情，但是失敗可以教訓我們，或者可以把失敗經驗給同行做教材。」
提到栢芝的態度，陳勳奇直斥：「投資人說讓我用張栢芝，但是那部戲真的，香港演員的敬業精神被張栢芝完全破壞掉了。拍攝的時候，楊門女將有多少女將，尤其是劉曉慶也是長輩，我憑什麼等你張栢芝，每一個鏡頭都要等你。一個有道德的演員會永恆的，到今天我都非常敬佩鄭佩佩、非常佩服劉曉慶。」
其實6年前拍攝《楊》片時，已傳出栢芝屢次失場，向太更義助陳勳奇尋人，但栢芝不接電話，令向太好激氣，當時向太接受《蘋果》訪問時，就話：「我有叫栢芝唔好再失場，要收斂，今次佢真係聽話要改，唔好錯完一次又一次，演藝生涯好短，如果唔係唔襟撈。」結果《楊》片喺香港僅錄得33萬票房，而大陸亦只收2,500萬，票房數字低到得人驚。(新聞連結：http://bit.ly/2i6HOaK )
而事隔4年，向太同老公向華強開拍《3D封神榜》，搵栢芝揹飛，點知栢芝繼續失場扭計兼冇心演出，令向氏夫婦徹底死心，決定永不錄用。(新聞連結：http://bit.ly/2m7w715 )
|
鍾意就快D Share啦！
|
|
|
