2017年11月11日 星期六

【唔准笑】馬雲激戰11人 李連杰、甄子丹、吳京全部都要輸? __,李連杰,吳京,甄子丹,子丹,馬雲,

「一拳打爆個籃球」不再是夢,因為馬雲做得到!馬雲投資兼主演嘅電影《功守道》將於明晚凌晨12點上映,噚晚佢率領李連杰、吳京、甄子彤等《功守道》演員出席喺 ...




「一拳打爆個籃球」不再是夢,因為馬雲做得到!

馬雲投資兼主演嘅電影《功守道》將於明晚凌晨12點上映,噚晚佢率領李連杰、吳京、甄子彤等《功守道》演員出席喺上海舉行嘅登天貓雙11狂歡夜,仲重金邀請咗奧斯卡影后妮歌潔曼現身,同場仲有章子怡、女子網球「全滿貫」嘅舒拉寶娃、莫文蔚、范冰冰、吳亦凡、李宇春等。

狂歡夜上播映咗長達約8分鐘嘅《功守道》精華版,值得一提嘅係,其實部電影都係得20分鐘長,但精華版已經佔咗1/3,咁套戲.....真係要睇過先知有幾精彩。

講番精華片段,當然係以男主角馬雲一個打11個作招倈,戲中馬雲飾演太極宗師「馬師傅」,一出場剩係得個背影,但擁有懾人氣勢,因為佢一出手就一拳打爆咗個籃球,跟住馬雲先後同甄子丹、吳京、劉承羽、朝青龍等對打。馬雲嘅表情唔多,但都有爆金句﹕「武功再高,也怕菜刀。」就連出名好打得嘅吳京都要用四支木棍撐地,輸得好慘。

而馬雲要打嘅「最後大佬」應該就係李連杰,見李連杰一直處於下風,避唔開馬雲嘅掃腿同出拳連番倒地,最後要出真武功,雖然未知誰勝誰負,但最後一幕就係馬雲一躍而跳奪取大石上嘅卷軸.......。未完嘅,精華片最後分半鐘仲有馬雲solo耍太極,呢分半鐘真係精采,馬雲一邊耍太極,後面就狂加Effect又風又浪又潑墨,咁又係嘅,冇咗呢啲effect,可能半分鐘都頂唔到。

片尾就係,動作影星積遜史迪咸(Jason Statham)、菲律賓拳王Manny Pacquiao同世界中量級拳王戈洛夫金拍片向馬雲下戰書,唔知係咪咁快有續集呢?!

更多娛聞,喺晒《娛果》

http://fb.com/appledailyent

馬雲主演嘅電影《功守道》噚晚播映約8分鐘片段,連李連杰都被打到一仆一碌。(網絡圖片) 呢個背影係.......(網絡截圖) 一拳可以打爆個藍球嘅「馬師傅」馬雲。(網絡截圖)
吳京都輸得好慘,要用四支木棍撐住。(網絡截圖) 與甄子丹對戰 馬雲最後同李連杰對打,結果係......(網絡截圖)
(網絡截圖) 精華片段中有約分半鐘係馬雲solo。 昨晚嘅狂歡夜喺上海舉行,吳京撐住拐杖都上台,場面星光熠熠,
章子怡都有上台。 莫文蔚載歌載舞。

鍾意就快D Share啦!
Related Posts Plugin for WordPress, Blogger...