掃呢頁CODE去手機

2017年11月11日 星期六

馬子妮28歲生日 馬家開驚喜P搞喊壽星女 __,

生日快樂呀!昨日係「馬子妮」蔣家旻28歲正日生日,雖然佢呢排要開工,但就一啲都唔寂寞,事關佢同《愛·回家》嘅「馬家」成員齊齊飛咗去韓國拍《馬家開飯》。 ...


生日快樂呀!


昨日係「馬子妮」蔣家旻28歲正日生日,雖然佢呢排要開工,但就一啲都唔寂寞,事關佢同《愛·回家》嘅「馬家」成員齊齊飛咗去韓國拍《馬家開飯》。為咗畀個驚喜蔣家旻,大家收工後如常去咗食飯、飲燒酒,點知去到現場,蔣家旻就發現原來係個生日派對,現場仲布置得相當有心思,四周布滿繽紛氣球之餘,有花收又有巨型蛋糕食,認真驚喜!

蔣家旻超級感動,佢之後喺社交網上載咗一段短片,片中見佢同黎諾懿同羅天宇坐埋同一枱,仲面紅紅似帶有半分醉意,蔣家旻留言:「Surprise!!Happy Birthday to ME 多謝馬家,在韓國過了一個簡單有愛的生日,那份衷心的祝福,不禁讓我感動流淚。」短片中,佢哋齊齊唱生日歌,而蔣家旻仲大晒手上嘅手鏈話:「多謝!多謝!好靚呀!」而黎諾懿亦有喺社交網上載短片,祝賀壽星女牛一。

另外,壽星女又晒出多張喺生日派對上影嘅靚相,相中見《愛·回家》嘅爹哋同媽咪,亦即係徐榮同林漪娸都有現身,場面非常溫馨!蔣家旻留言:「沒想過有一個驚喜的生日晚餐 本以為是日拍攝完成後 跟平常一樣 吃晚餐 進去後 才發現大家一早細心為我安排好💕除了感謝馬家每一位 感謝韓國人Simon的熱情招待 安排生日禮物及蛋糕外(手繩上還特意為我刻上 Angel in Korea的字)感謝幕後工作人員的細心 為我送上一束韓式鮮花 感謝翻譯導遊們 靜悄悄地買了蛋糕給我🙈一個新階段 一個難忘的生日 第一次在外地渡(度)過 謝謝您們每一位。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!