2017年11月11日 星期六

神秘歌手「小背心」身份揭盅 原來係... __,

到底邊個係「小背心」?最近網絡上爆出一位神秘女歌手「小背心」,她的專頁大概只設立了五個月,而每次拍片唱歌也是人如其名,只看到她身穿的小背心,下巴對上的 ...


到底邊個係「小背心」?


最近網絡上爆出一位神秘女歌手「小背心」,她的專頁大概只設立了五個月,而每次拍片唱歌也是人如其名,只看到她身穿的小背心,下巴對上的臉龐全看不見,就係呢份神秘感,吸引不少網民留意她的動態,因為只聽歌關係,歌手的聲音令人聽得最清楚。令「冇面見人」有更大收宣傳效果,令網民把焦點轉移到她每次身穿不同的小背心上,更有網民從她的打扮及聲音,猜想「小背心」會否便是歌手許靖韻,不過至今她的真身仍是一個謎。

鍾舒漫捧場

而這個謎終於在今晚開估,原來真係許靖韻。「小背心」在有九展舉行音樂會,吸引六百歌迷入場,據知早前在網上派飛時,僅一小時門票被掃光,而「小背心」在音樂會前部份仍然玩神秘,穿上背心裙帶面罩出場,但唱到尾段,終於除下面具,原來真係許靖韻。許靖韻更獲同同屬英皇的歌手鍾舒漫及陳凱彤亦有現身捧場,還在社交網影合照以示支持。

許靖韻在完騷後接受東網訪問時,唱到聲都沙的她說:「好開心呀今晚,其實呢個星期我哋都瞓唔着,好擔心有幾多人嚟睇呢?然後去到臨開騷前嗰兩、三粒鐘都好擔心(反應),不斷咁睇fb啲留言。」

冇我個樣反而多人讚

她又說小背心這件事,是一個好驚喜的事,半年前開始時是沒想過,有機會開小背心音樂會,所以是好意外及感動。她又解釋為何有小背心的人物出現,全因她一向都有拍片上網

,但不太多人留意許靖韻,之後她拍了衛蘭的一首歌,但被人遮了樣再上社交網,她說:「嗰次覺得咁奇怪,冇咗我個樣,反而更多人讚,多人留意,嗰晚就玩,開咗新Channel叫小背心,因為嗰次着咗小背心,就有呢個名啦。」

阿媽做手術嚟唔到

她表示化身小背心後就拍了一首《長相廝守手》,翌日就放上網,不料反應不錯,但她不覺得是賣弄身材,因為她本身也非好身材之人,她又說:「我開頭只係想唔Show個頭,冇諗過被人留意身材先,其實都是音樂行先,你可以睇吓我Youtube同fb啲片,全部都係音樂為主,全部都係啲我想同人分享嘅歌,今晚呢個Show,我將呢半年嚟點擊比較高嘅歌,放喺呢個Show度,亦都冇諗過現場觀眾會有咁好嘅反應,我好擔心轉咗企位,擔心啲人話企位唔好舒服、好攰喎!但今晚佢哋真係企咗兩個鐘,然後一個人都冇走過,所以我好感動喊咗幾次,真係忍唔住,今晚最遺憾係我媽咪嚟唔到,咁啱兩日前有小小意外,依家仲喺醫院,希望之後每個Live佢都嚟到睇我表演。」據知許靖韻媽媽早前跌倒腳部受傷,要急送往公立醫院求醫 ,因傷勢頗嚴重,許媽身體不能郁動要接受手術,許靖韻想媽咪得到更好,故欲安排媽媽轉往私家醫院留醫。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...