2017年11月4日 星期六

【被稱「廢柴老公」】張繼聰深夜回憶 與謝安琪同患抑鬱症:食行藥死頂 __,繼聰,謝安琪,張繼聰,

曾幾何時,因為有個老婆叫謝安琪嘅關係,於是乎事業冇乜起色嘅張繼聰,喺呢段「女尊男卑」嘅關係,搞到好多網民故意將張繼聰叫成「謝繼聰」,又封佢為「廢柴老公 ...


曾幾何時,因為有個老婆叫謝安琪嘅關係,於是乎事業冇乜起色嘅張繼聰,喺呢段「女尊男卑」嘅關係,搞到好多網民故意將張繼聰叫成「謝繼聰」,又封佢為「廢柴老公」,直到12年佢幫大台拍劇集《老表,你好嘢!》而大受歡迎,密密接拍電視同電影,之後佢喺專訪曾經講過,當年為咗呢啲mean爆嘅抨擊,曾經諗過了結生命,好彩最後臨崖立馬。(新聞連結:http://bit.ly/2zjhzEw)

喺今時今日,唔單止冇人再張繼聰佢做「謝繼聰」,反而叫謝安琪做「張繼聰老婆」,佢嘅努力已經得到認同!正所謂經歷係會令人成長,o依家嘅張繼聰已經支撐成頭家,老婆可以專心喺屋企相夫教子,張繼聰仲為網民對老婆嘅惡意批評,喺ig撰文還擊(新聞連結:http://bit.ly/2ivLcs7),今日凌晨,張繼聰又喺網上撰文訴心聲,言談間又講當日嘅負評。

事緣係張繼聰無意間到喺2010年叱吒樂壇頒獎禮嘅片段,當時嘅謝安琪走勢好凌厲,自嘲自己花朵好猛嘅張繼聰就喺台下做嘉賓:「當時我嘅抑鬱病非常嚴重,非常想又非常怕去呢個Party 。想去,係因為太太當時成績非常出色,我一定要喺現場支持佢同見證佢努力嘅成果,怕去,係因為我當時嘅成績非常冇乜成績.....」

張繼聰續話:「片中所見嘅我,其實當時食行藥,所以好口乾,好頭暈,好攰,個cam又起勢隊住隊住,同時又好感動,好替太太開心,好想抱住佢,再同時好驚好怕,好擔心食白果嘅我唔知又會俾人點嘲笑,總之九萬幾個層次又li又lu .....同時台上嘅太太,成晚雖然得到好多個獎,其實當時嘅佢抑鬱病都好猛烈,承受好大嘅壓力,佢都係考緊宇宙俾佢嘅試....」

「你話世界係幾奧妙?快唔快樂,原來同得到幾多無關。快樂,其實係因,唔係果,如果你咁得閒睇到嚟呢到,朋友,我想講嘅係,每一個經歷其實冇乜意義,意義係由自己去界定,但係一定比你想像中美好同重要,就算當時係幾惡啃都好,好好行自己嘅路就掂,就好似我家吓睇番段片,發現原來嗰日唔係路障,而係加油站,令我選擇之後嘅路,決心尋找快樂同自在,亦係嗰日,令我更有勇氣去更多嘅頒獎禮,食更多嘅白果,所以你話,人生幾美好,根本就冇衰嘢!」

留言一出,喺fb即刻俾人洗版,一夜晚有過萬過讚好,有啲係圈中人,亦有啲係網民,正如張繼聰咁講:「人生幾美好,根本就冇衰嘢!」

更多娛聞,喺晒《娛果》

http://fb.com/appledailyent

張繼聰喺fb留言。(網上圖片) 唔少網民睇完留言力撐!(網上圖片) (網上圖片)
(網上圖片) 今時今日張繼聰已經捱出頭!(網上圖片) 就係呢個片段,勾起阿聰無限回憶!(網上圖片)
(網上圖片)

鍾意就快D Share啦!
Related Posts Plugin for WordPress, Blogger...